Çekettim malü

Çekettim malü

Çekettim malü
Bir uzun yola
Çekettim malü,

Bir uzun yola
Az mı gittim
Çok mu gittim

Todurçuylan bobası
Sudlara gider
Todurçuylan bobası

Sudta gezer
Todurçu atlı,
Bobası yayan

Az mı gittilär,
Çok mu gittilär
Etiştilär

Bir çöşmeyä
Todurçu atlı,
Bobası yayan

Todurçu oolum,
Todurçu oolcaazım,
Çözsänä kollarmı,

Bända su içeyim
Gözeceykan,
Taa da pek sıkmış

Çözeceykan
Taa da pek sıkmış
Ozaman bobası

Bölä deer Todurçuya
Todurçu oolum,
Todurçu oolcaazım,

Edi yıl oldu
Sudta gezeriz.
Edi yıl oldu

Sudta gezeriz
Allaa versin

Todurçu oolum,
Çingenä düününnän
Karşı geläsin

Beygirin ürksün
Erä düşürsün
Erä düşürsün

Erä battırsın
Ana-bola betvası biläsin