Ñandejára Ñe’ẽ/Lucas
Vo 1 edit
Chuã Mongaraihára ha Hesu imitãrõ guare edit
1 Heta oime umi omoĩ vaekue kuatiápe imombe'upy opa mba'e ojehu vaekue ñande apytépe, 2 omombe'u haguéicha ñandéve iñepyrũha guive umi mba'e rechahare, ha upéi oje'e chupe kuéra omoguahẽ haguã ñandéve umíva rehegua marandu. 3 Che avei, nde karai Teo, ahecha porãmbaite vaekue iñepyrũha guive, ha ajuhu porã ambohysýivo ndéve kuatiápe hekopete ko'ã mba'e, 4 eikuaa porã haguã umi mba'e añetegua ne mbo'e vaekue hikuái.