Ñi wirintüku mongen Presidente de la República – Sebastián Piñera Echenique

Ñi wirintüku mongen Presidente de la República Sebastián Piñera Echenique Sebastián Piñera Echenique llegüy Santiago Chile mew kiñe kon chi Diciembre mu kiñe waranka aylla pataka melimari aylla tripantumu (1949). Fei José Piñera Carvallo (1917-1991) ñi fotüm ka Magdalena Echenique Rozas (1919-2000) ñi wentru püñeñ. 1973 tripantumu kurewenngi Cecilia Morel Montes engu feyengu nieyngu meli yall ka meli laku. Fei Ingeniero Comercial ngi ka doy chillkatuy kimalu Economía Pontificia Universidad Católica de Chile mew ka amulniey ñi chillkatun ta Master ngealu ka Doctor ngealu fei konpui Universidad de Harvard mew. Estados Unidos mew. Pichiwentru Fei külalepalu kayu pu yallmu feichi kurewen José Piñera ka Magdalena Echenique. Elungi fütrake cristiano kimün, fentreke düngu, fentren kidungünewün, küme duamtuken ka yafüngealu ta ñi küdaumu pu cheple. 1950 tripantumu amuy ta choiyümengu mongelepualu ta Estados Unidos mew, fei mew ta ñi chaw üytungei ti ka mapu wünenkletulu ti Oficina ta nielu Corporación de Fomento (CORFO). Wüñolu Chile mew, konpuy chillkatuwe ruka mew pu Alemán che ñidolngeki Verbo Divino pingei feimew chillkatuy primarios kimün ka secundarios chillkatun (1955-1964). Fei mu ta rumeñma küme tripay ñi chillkatunmu ka kelluy feichi Movimiento Scout mu. Dew weulu Presidente Eduardo Frei Montalva (1964), fei üytuy ta ñi chaw Embajador de Chile Bélgica mew, amuy ta Europa pingechimapu ka inaniealu ta ñi chillkatun Saint Boniface chillkatuwe Bruselas mew. Feimu may apolpüllüy fei ti fütrake Movimientos Universitarios feichi putripantu pimuntukukefui fücha mapuple. 1967 tripantumu, ta ñi chaw anüpuy Embajada de Chile mew Organización de Naciones Unidas (ONU), wüñotuy Verbo Divino chillkatuwemew deumaalu ñi chillkatun feimew. Chillkatufe 1968 tripantumu koni ti Facultad de Economía de la Pontificia Universidad Católica de Chile mew. Ellamütem kimpafi feichi Ciencia Social pu fütra rüpütupeyüm ta küme mongeleam pu doy kuñifallklelu. 1971 tripantumu deumayñi chillkatun Ingeniero comercial ngei ka elungei Premio Raúl Iver doy küme chillkatufe kam. 1973 tripantumu amuy Estados Unidos mew nentualu ta Doctorado Economía mu Universidad de Harvard mew. Ñi ramtundüngu entuam fei chi Doctor kimün, pingei “Economía de la Educación en Países Desarrollados. Kiñe Trawün pu Wirindungü”. Fei ñi pu tripantu ñi chillkatufe ngen Universidad de Harvard mew kimfi fütrake pu economista, feyengün nielu Premios Nobel, kimeltuchefe kellufengei ka pepi faliltufi feichi falilngen ti kidungünewün, komche düngu ka mülele kümeke düngu Estados Unidos mapu reke. Wentru ta choiyüm mu 1973 tripantumu, petu ñi amunun Estados Unidos mew, niewi Cecilia Morel Montes engu, ngülam choiyümfe ka wechekeche Instituto Carlos Casanueva mew ka tripai ñi chillkatun choiyünmu ka düngun chemu Universidad Mayor mew. Feyengu ngei Magdalena ñi chaw, ka ñi ñuke (1975), Nütran Kimeltuchefe ka Geografía; Cecilia (1978), Médico Pediatra (llafümtu-pichikechefe); Sebastián (1982), Ingeniero Comercial ka Crsitobal (1984), Psicólogo. Fei nielu llagantü inachafmakei choiyümengu ka ñi pu wenüy fill küdaw mu aukantuwe lelfün mew ka pu iyaelmu. Fei kiñe fütra papeltufe nielu ñi pue fei chi filmapu nütran. Kimeltuchefe Wüñotuy Chile mew 1976 tripantumu amulelu ka feichi antüple wünentuli ta chi kimeltuchelu pu Facultades de Economía Pontificia Universidad Católica de Chile mew, Universidad de Chile mew, Universidad Adolfo Ibañez mew ka Escuela de Negocios de Valparaíso mew. Kañple ramtundüngu müleki Banco Interamericano de Desarrollo mew (BID) (1974-1976), ramtundüngungei Banco Mundial mew (1975-1978) ka küdawi Comisión Económica America Latina ka Caribe ngealu (CEPAL). Ti fachi inan Institución, newentu küdawi kiñe fütra ngünelümünmu üytulelu “Mapa de la Pobreza América Latina mew ka Políticas para superarla” (1976) (Chumngechi ñi weungeal fei ti kuñifallngen América Latina mew). Witrampüramünfe Fei chi tripantumu (1976) tuy tañi werkenkleam Chile mew ta chi pu tarjeta ngillakakeam ngenule kulliñ Visa ka Master Card pignelu feimu ta deumay Bancard S.A., pepilkefi ta pu chileno ta ñi konam tifachi we mülen chumngechi kullial rupan küyenmu. Feimu may, küdawi deumangeal ti CMB S.A., Inmobiliaria Las Américas S.A., Constructora Aconcagua ka Editorial Los Andes S.A. Kañple feimütem werkenkley ti transnacional Apple en Chile ka doy rupaltripantu küdawi accionista reke pu empresa mew Lan Chile mew, Chilevisión mew, Lig ka kurümew, pu kakelu mew. Küdaufe kakecheple Ramtungenche mülelu kechu konlu Octubre 1988 tripantumu, küdawi ta weutuam democracia afpe Régimen Militar pi papelmu. 1989 tripantumu , ta ñi kure engu Cecilia Morel deumafi (ka petu niey) Fundación Mujer Emprende (Domo Witrampürayaimi). Adüm-adümtuam chumngechi ñi tremüken pu üllchake domo kuñifallngelu. (www.mujeremprende.cl) Ka felelu, 1993 tripantumu, elünfi ti Fundación Futuro fei ñi pu duam kelluam ka püllengeam kümeke ad-kimün kom pu chileno. Fei mu ta deumangi ti wirindüngu educativos pingei “Feichi ash düngu püllekünuam ta pu che”, “Inche kimpafin ñi waria”, “Museo doy pülleleam” ka “Pasantías Culturales kimelchefe ngealu”. Ka feimu, ti Fundación amulfi wirin ngünelüwün kom waría chengealu feyengün may “Mapocho weyelwe”, “Transformación del Estero Margamar” ka “Estadios para Chile”. (www.fundacionfuturo.cl). Chi Fundación Futuro, ka fei deumay chumngechi ñi feleam ta lifmapu mew. Fei 2005 tripantumu, williple Chiloé wapimew entuy weñmadüngu Parque Tantauco pignelu, fütra alün mapu niey 140.000 hectáreas konkley 220 kms. rüpülelu ka pu lelfün pañütuam ta puche witranklepalu, ta lef trekatrekatuam, challwameam ka comütumeam pu üñüm ka ti kañple amutukelu ka küpatukelu feichi kallfüke yene reke. Fei chi Parque mew apümngekenualu ka inkañpengealu pu wüñol mongen ka pu ngen kuñiuklelu ta ñi mongeleam mapu mew, dünguwmangeki chumngechi ta femngeal ti poyefal mongen mapu nieyam akule kañpleche fei ta ñi afnuam ka tremunklealu ta ramtunkimün feichi düngumu. (www.parquetantauco.cl) Yomünmu, alün tripantu consejero ngi Hogar de Cristo mew ka kellufi fentreke trawündüngumu kullingekelay. Pu feyengün, konpuy Consejo Asesor Ministerio de Relaciones Exteriores mew ka fei ti Comisión Bicentenario (Epun Pataka tripantu) mu, elünlu fei chi Presidente ngefulu Ricardo Lagos. Düngul-düngulchefe 1989 tripantumu witrampürampay tañi üy senador independiente ngealu Pacto y Progreso engu 8° circunscripción de la Región Metropolitana Oriente ple, fei dullingei senador ngeam küdawi 1990 ka 1998 tripantumu felenmu ta koni Renovación Nacional mu. Ta ñi küdawünmu senadorngelu, konpay pu Comisión Permanente de Haciendamew, Derechos Humanosmew, Saludmew, Medio Hambientemew (kom lifgnen mapu) ka Bienes Nacionales mew. Ñi fiñmalen ta lif mongepeyüm mapu feimu konpulfi ngünelümün leyngealu tiyechi düngu ka inkañpealu kon elün mapu mew. Ñi Püllü allkütuchekelu kimngetuy ta ngünelümünmu kangelu ley müleam kakünuam Leyes Orgánicas Constitucionales pu partidos políticos, pin papelmu ka inikam dullingeki ka municipalidades, feiñi pepilkunual ta konam dullituanmu Presidente, Parlamentarios, ka Municipales ta üytungealu pu Independiente, üytungelu Partidos Políticos mu reke. Kafei, amuli ti ngünelümün tachi ley pichike duam mu elün kiñe Partido político Ka feimu küdawi ngünelümün ti ley ta kümefeleam wünen düngu norümwe, düngu ka kümelukam wedalkalukam fei chumngechi ñi yallünchemu ka kellunmü kafei trüpungealu feichi inakenulu pu norüm düngü. Llagantümu deumapelu leyes dullitungi doy kime Senador reke, mürklelu Senador Andrés Zaldivar engu. Dullinfalu Presidentengefui Partido Renovación Nacional mu pu 2001 ka 2004 tripantumu . Consejo Nacional de Renovación Nacional Mew mayo 2005 tripantumu, witrampürangi dullinfalu presidencial Düngu mu. Düllindüngu presidenciales Diciembre 2005 tripantumu, Sebastián Piñera nentuy ti 25,4% ti pu pin papelmu, Michelle Bachelet 45,9% ka feyegnu rupaingu epungen wüñolmu Enero 2006 tripantumu. Feimu may Michelle Bachelet wewi 53,5% pin papel mu, Sebastian Piñera nentuy ti 46,5%. Feichimu, amuli tañi chumken küla fütrake küdaumu: ngemeki ta kom Chilemew allkütuki puwedake mongen ka chem ñi küpanielkefun ti pu che, amuyauki pu dullintungealu ta wichawngelu Chilemew elecciones Municipales 2008 tripantumu ka elünfi pu “Grupos Tantauco” mülepuy doy 1.200 kimche nielu üytun, konklepulu 37 comisiones ta ñi küdawam kimnealu ka felealu politicas publicas piyaluengün fei wüle acule chi ngünekankelu. Mayo 2009 tripantumu, elünngi ti kakünumuan wichaw. Fei ta chi we wichaw política, trawünfi pu partido político Renovación Nacional ka Unión Demócrata Independiente feyengün mülelu Alianza por Chile mu, ka pu we inaniefall Chile Primero, Humanismo Cristiano, Norte Grande (Fütra pikum Mapu) ka independientes. Feita we Wichaw witrampürafi ta Sebastián Piñera dullingeam feimütem Presidente de la Republica ngeam. Fütrake küdaw presidencialmu mülefuy chillkantumu feichi pülleluwün pu chileno engün ka chilena pu domo mütrümtu mu “Kakünümual, Wüle ka Yafülün” ka “Konpange Kakünunmu”. Ngenulu rume ley petu ta ñi feyentungeam, Abril 2009 tripantumu dullinfelelu Presidencia mu, elukefi tañi konklepun sociedades anónimas (üyngelaingün) nulalelu ta meli Administradoras de Fondos de Inversiones, deumanielu femngechi kiñe Fideicomiso Ciego Voluntario. Doy ñidolklelu chilemew Dullitun presidenciales mu 13 de diciembre 2009 tripantumu, Sebastián Piñera nentuy 44% pin papelmu rupaley epu wüñolam may Eduardo Frei Ruiz-Tagle engü. Fei chi epu wüñolün 17 de enero 2010 tripantumu, entulu 51,6% chi pin papelmu, Sebastián Piñera ñidolkletuy dullingechi Presidente. Ti 11 de marzo 2010 tripantumu, Congreso Nacionalmew, Sebastián Piñera üytungei ta 47° Presidente de la Republica de Chile (doy ñidolkley Chilemew).