Ün di da plövgia

by Gian Fadri Caderas

[ 144 ]

Ün di da plövgia.

(Suainter Longfellow.)

Il di ais fraid e grisch e trist; a plova
Il ferm tschüvler del vent schnuizzi fo;
Auncha cun staint la vit vi'l mür as lova,
Ma sieu fögliam sün terra mort crodo;
Il di ais fraid e grisch e trist.

Ma vit' ais fraida, greiva, trist'; a plova;
Il ferm tschüvler del vent schnuizzi fo;
Vi'l temp svanieu mieu spiert d'as tegner prova,
Ma'l giuvenil sömgier da lönch passo;
Il di ais fraid e grisch e trist.

Tranquil mieu cour, o lascha ta fadia;
Tres nüvlas vezzast il solagl glüschir!
Be tü sulet nun hest dolur aquia;
Tres ogni vit' orizzi voul scruschir:
Pü di stu esser grisch e trist.