İlk sevda

Todur Zanet
İlk sevda

Kurşun gibi bulutlar
Poyrazdan geldi.
Sevdalı aylar oldu
Sadecä edi.

Kalanı - kurşun - bulut
Sardılar eri...
Ta ölä te sevdacıım
Oldu sefteli

Alatlamışım atıma atlı pinmää
Da on yıldan zeedä bu dünneyi gezmää,
Görüp türlü insan, türlü bakış...
Hem dostlarım da kaç o yollarda kalmış?

O yollarda salt yoktu gözlerin
Osa esap hiç almadım mı onnarı?
O gözleri?
Atım, lüzgär gibi geçip uçtu hep ileri.

Olsa o atımı geeri urıım
Da o yolu yayan geçiim
Bulıım vakıt insannan lafetmää
Hem sevdamın gözlerindä buulmaa