Śuane da Meleres inventor del Sćiopo a vento
- Śuane da Meleres inventor del Sćiopo a vento
'L arloer
Śà zento ane, proprio come ades,
Un del nosc Sestier, Śuane da Meleres,
El fajea parlà duto el paes
De ra vitoria che 'l à abù su tanta gueres.
I dijea che 'l aea el diou chel tizio,
Che 'l laoraa di nuote, che 'l ea da fei paura:
Invenze el "sćiopo a vento", dapò tanto sacrifizio
'L ea nasciù. Tanto de ra so vita 'l aea dà par sta braura.
Ancuoi nos voron ve 'l recordà.
E zercon de ve fei vive chel dì lontan.
Inze ra nosta STUA duto podè amirà:
Laoro, sćiope, atreze de sto genio Anpezan.
On anche 'l Arloer che 'l se sbate pì che 'l pó
A fei śì polito duta chera machinetes:
El vò fei bona fegura, el śirae inze fó
Pur de contentà duta sta pizoretes.
Ma canche del sabeda el noizo va a 's ciatà
Es no vorae che ra ores passasse coscì in prescia
Là pede al fornel i vece fesc finta da se ra contà
Ma i à senpre un oceto sora ra so "Escia".
E po co 'l é vegnù r' ora de s' in śì
El pare el lea su con na zerta fiacheta
Al "donioto" che basta – el i fesc capì
E del arloio el tira su ra cordeta.
El bate par el vecio, par el śoin, par 'l inozente,
El me fesc compagnia a dute fin che non son pì
Chesto secondo cuore de ra śente
Che 'l bate insieme col nosc dì par dì.
- "Ra Corsa dei Sestiere"