Źiśecy raj
| nadpis | Źiśecy raj |
|---|---|
| awtor | Mato Kósyk |
| lěto | ? |
| žrědło | https://archive.org/details/PetsJanasnimskiRolandMartienglishAndGeraldStoneenglish.2003 |
| licenca | public domain |
| nota | stary pšawopis |
Źiśecy raj
twoje słodkosći pytam,
twoje cowanja witam.
Naslědk mě daj,
což som něga raz měł,
ak som grajkajcy kśěł,
prědne wuteptaś puśe,
glucne wuwitaś cuśe.
Żož raz wence pśi sćinje
abo w maminem klinje
som bźez starosćow spał,
źož som rozwolnje gnał,
sy mě kaž maj!
Daśi spiw moj śi chwali,
aby spomnjeśa trali -
źiśecy raj!