Азар! (Хетæгкаты)

←

Азар! (1909)
by Хетæгкаты Къоста

→

Фыст датæ: 1899, Рауагъ аз: 1909. Равзæрæн: Хетæгкаты Къоста. Ирон фæндыр : зæрдæйы сагъæстæ, зарджытæ, кадджытæ æмæ æмбисæндтæ. – Дзæуджыхъæу : Ир, 2012.

290133Азар!1909Хетæгкаты Къоста

АЗАР!

Æз дæ зарынмæ куы хъусын,
Уæд хъæлдзæгдæрæй фæкусын,
     О, мæ хуры хай, –
     Азар-ма, чызгай!..

Мах бар нал æсты нæ сæртæ...
Азар, цалынмæ дæ зæрдæ
     Не ссау фырмæстæй,
     Адæмы мæтæй!..

Адæмæн зæхх у сæ дарæг...
Азар!.. Ракæ мыл-иу хъарæг, –
     "О, мæ бон, – иу зæгъ, –
     Байстой нын нæ зæхх!.."

Нал дæ бахъæудзæн ныр рувын..
Азар!.. Сахуыр мæ кæ кувын!..
     Ма фæлидз тæргай,
     О, мæхурыхай!..

This work was published before January 1, 1929, and is in the public domain worldwide because the author died at least 100 years ago.