Асап эрни
Тĕнчери мĕн пур кун-çулра,
Ах, эсĕ, çак эрне,
Хăвăн тăватă кунăнта
Тĕнчене хуйха ÿкернĕ.
Аллă ик эрне хушшинче
Санăн вăту кунĕнче
Йывăç пахчи ăшĕнче
Христос Туррăмăр тăратчĕ:
Ăшĕ хытă çуннипе
Ÿпне ÿксе кĕл турĕ,
Ангел пулăшнă хÿтĕпе
Тÿсме хĕнне вăл тÿсрĕ,
Пăшăрханса çуннипе
Чĕркуçленсе ларчĕ вăл,
Хăйĕн хĕрÿллĕ кĕллипе
Çапла тилмĕрсе тăчĕ вăл:
«Эй, Манăн ыр Аттем!
Çак эпĕ ĕçес куркаран
Ĕçмесĕр иртме юрасан
Эпĕ ăна ĕçмĕттĕм…
Анчах эпĕ ыйтни мар,
Санăн ирĕкÿ пултăрах,
Манăн унтан иртес мар,
Санăн ирĕкÿ пултăрах!..»
Христос çапла тăнă чух
Усал куçсем кĕвĕçрĕç,
Çĕр варринче тĕттĕм чух
Ăна вĕлерме тытăнчĕç.
Пĕтĕм тĕнче лăпкă çеç:
Пур çĕрте те шăп тăрать,
Пĕтĕм çĕр пичĕ тĕттĕм çеç,
Пĕр уйăх çеç çутатать,
Тулли уйăх çутипе
Пахча илемĕ курăнать,
Пахчанăн таса çулĕпе
Суккăр халăх кĕç пырать,
Суккăр халăх васкаса
Пĕр-пĕринпе канашлать,
Ирсĕр ĕçе юратса
Шуйттан хыççăн васканать.
Суккăр халăх пахчана
Хĕç-пăшалпа кĕчĕ-çке,
Йăваш Пуçлăха хурласа
Вĕлерме тытса илет-çке.
Лăпкă-лăпкă çĕр çинче
Йывăç пахча хурланчĕ,
Лăпсăр йывăçсен хушшинче
Тĕнче Пуçлăхĕ çухалчĕ.
Мĕншĕн, халăх, пăлханса
Çĕр варринче çÿретĕн,
Чĕрÿ куçне хупласа
Шуйттанпала килĕшрĕн?
Ăссăрлăхпа хавасланса
Асаппа пĕтмелле эс пултăн,
Хăватсăр тесе шутласа
Хăватлинех тĕл пултăн.
Мĕншĕн, халăх, пăлханса
Тĕнче Пуçлăхне асаплатăн?
Этем тесе шутласа
Турра хăйне пăталатăн?
Аскăн, тĕттĕм ăсупа
Таса ÿт çине тăрăнтăн,
Аскăн, ирсĕр аллупа
Таса юна юхтартăн!..
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1932 году и был посмертно реабилитирован в 1995 году, соответственно эта работа выйдет в России в общественное достояние в 2066 году.
The author died in 1932, so this work is also in the public domain in countries and areas (outside Russia) where the copyright term is the author's life plus 80 years or less. |