Удмуртъёс, асьмеос сайкатскоме,
Одӥг адями кадь султом.
Эриктэм улонэз куштоме,
Ас улонмес тупатом.
Буржуйёс вирмес юылӥзы,
Нюламмы соослы вал ческыт.
Кӧтсэс ужатэк тырылӥзы:
Коньдон бордын улон вал шуныт.
Ужась удмурт, вичак султы,
Тушмон пумитэ тон мыны,
Пунэмзэ ӟечгем солы тыры.
Чигнатэк азьлань,
Азьлань, азьлань, азьлань.
Зӧк кӧтъёс синтэм шыр шуылӥзы,—
Пурисьёс асьмелы ним пуктӥзы.
Пеймытын удмуртэз возьылӥзы,
Тӥледды пыдулазы лёгазы.
Буржуен, попъёсын зӥбыса,
Котьмазэ соослэсь чидаса,
Удмуртъёс, улӥды номре валатэк,
Трос пукиды сютэк.
Ужась удмурт, вичак султы,
Тушмон пумитэ тон мыны,
Пунэмзэ ӟечгем солы тыры.
Чигнатэк азьлань,
Азьлань, азьлань, азьлань.
Войнае буржуйёс ыстылӥзы
Асьме братъёсмы пумитэ.
Вирмес асьмелэсь кисьтылӥзы
Возьма шуыса эриктэ.
Асьсэос юыса улылӥзы,
Удмуртэз ик серекъяллязы.
Асьмеос котькытын курадӟимы,
Пуныос интыын улӥмы.
Ужась удмурт, вичак султы,
Тушмон пумитэ тон мыны,
Пунэмзэ ӟечгем солы тыры.
Чигнатэк азьлань,
Азьлань, азьлань, азьлань.
Удмурт пӧлысь узыръёс сялаллязы
Начар куанер удмуртъёс вылэ.
Гужембыт аснязы ужатъязы
Одӥг аслад кӧтыд вылэ.
Кызь час суткалы ужатъязы
Гужем нуналын пеймытысь пеймытозь.
Асьсэос кумышка пӧзьтылӥзы,
Юылӥзы сое, погратозь.
Ужась удмурт, вичак султы,
Тушмон пумитэ тон мыны,
Пунэмзэ ӟечгем солы тыры.
Чигнатэк азьлань,
Азьлань, азьлань, азьлань.
Табере асьмеос валатским
Вуж улонлэсь уродзэ.
Тушмон пумитэ султомы,
Киямы винтовка кутомы.
Ӵуж-вож пеймыт синмыз мед адӟоз
Буржуйёслэн асьмелэсь кышкаса,
Ужась удмуртлэсь мед шӧдскоз
Эриксэ возьмамзэ адӟыса.
Ужась удмурт, вичак султы,
Тушмон пумитэ тон мыны,
Пунэмзэ ӟечгес солы тыры.
Чигнатэк азьлань,
Азьлань, азьлань, азьлань.
Буржуез дуннеысь быдтӥм ке,
Асьмелэсь эрикмес возьмам ке,
Югыт, шулдыр дуннеез каром.
Горд басма ужан пус ошом,
Дуннеысь ужасен тупаломе,
Огъя соосын кариськом,
Коммуна одӥг лэсьтоме,
Вичакыз ужаны кутском.
Ужась удмурт, вичак султы,
Тушмон пумитэ тон мыны,
Пунэмзэ ӟечгес солы тыры.
Чигнатэк азьлань,
Азьлань, азьлань, азьлань.
