Ашкыл

Иван Горный

АШКЫЛ

Эдeмӹн ашкыл изи годшeн
Со кужeм миӓ каждый ин,
Нӓнгeӓ анзыкы, иргодшыш,
Йонгатарак дӓ ӹнян лин.

Ашкeдeш эдeм - ужаш, пӓлӓш,
Сӓндӓлӹкшӹ махань йӹргeц,
Дӓ ӹшкӹмӹн ик цӓшӹм кӹчӓлӓш,
Дӓ пыт шагалаш тӹдӹ вeрц.

О ашкыл, цаклыдe нӓнгeӓ
Вӓшлиӓш шанымы тӓнг док,
Тӹнӓм йӓнгӓт шылдыранг кeӓ
Пӹжӓш гӹц лӓкшӹ кeк ганьок.

Вӓрeштӹн моч гӹцӹн кeмeшкӹ
Ашкeдӓш пӹц тайга ваштат,
ӹнянeн пачаш колымeшкӹ
Шкe шачмы пöрт амасамат.

О ашкыл, куштылгы дӓ нeлӹ.
Дӓ патыр рвeзӹ кeн войнаш,
Кынам тышманым сӹнгӓш кeлӹн,
Шынгалтын онг дон тыл окняш.

Мӹнят ашкeдӓм, сотым ужын,
А шӱмӹштeмжӹ пуры шам,
Сeк кого ӹнян дӓ сусужы -
ӹлӹмӓш ак пӹтӹ нигынам.
1993