Аяҡлы өй(шиғыр). Тамара Ғәниева

Аяҡлы өй ( шиғыр ) автор Тамара Ғәниева

.Нәшер ителгән: 1993 йыл. Сығанаҡ: "Ҡондоҙ ҡойроғо ".-Өфө"Китап ",1993 йыл

Аяҡлы өй

 Был өйҙөң дүрт аяғы бар,
 Баҡсаға китә илтеп.
 Ямғыр яуһа ла, өшөмәй,
 Кейгән резина итек.
 Тәҙрәләре, диваны бар,
 Иҙәне лә бар уның.
 Һаны ла бар. 12-се.
 Бик яҡшы белә юлын.
 Тауыҡ аяҡлы аласыҡ
 Түгел был, белгең килһә.
 Автобус йә троллейбус ул —
 Урамдар буйлап елә.

 

1993 йыл

---