Безбородов М. И. Сочиненият 1-це томсь (1939)/Морафтома кудса

by Безбородов, Михаил Ильич

[ 23 ]

МОРАФТОМА КУДСА

Ловсь ляпе пухокс
Вельхксста алу прась,
Равжа модать лангс,
Акша щам ацась.

‎Нельгозень якшамсь
‎Весяла шитнень.
‎Ловонь фальняса
‎Перязень китнень;

Стирьхнень, цьоратнень
Кядьста мянць ульцясь.
Тялонь пингонясь
Синь эсост муцясь.

‎Но синь нужасост
‎Лездсь лувома кудсь:
‎Тоста однятне
‎Тев эстейст мусть.

Шитенге тосот,
Илятьке молихть,
„Од Велеть” эзда
Содамат порихть.

‎„Книгат, газетат
‎Кона морафты,
‎Сянь эряфоцка
‎Лиякс полафты”, —

[ 24 ]

Нят валхнень тейнек
Ленинць азозень,
Эряфс йотафтомс
Тейнек кадозень.

‎Лама лозунгта
‎Морафтома кудса.
‎Штоба эрь ломанць
‎Прязонза путса:

Аньцек тонафнезь
Аф стака ули.
Молемс инголи
Социализмати!

1927 к.

---