Мезя работамс велень хозяйстваса комсомолти и од ломатненди.
| „Тейнть эряви работамс станя, штоба сем- бя ломатня ванольхть лангозонтт мялень кель- гозь“. |
| (Ленинтть валонза од ломатненди). |
Лама вастова мокша велетнень эзга комсомолецня кармасть мушендома эстейст цебярь тефть, конатнень мархта няфнесазь велеряхненди, што синь маштыхть аф аньцек эсь пуромкссост разнай кизефксонь кочксема-ванондома, но и марстонь эрявикс тевонь таймонга. Лездыхть сьора видьмонь ароптома кампаниять йотафтомста, формалинца сьора видьмонь штамоста и лия эрявикс марстонь тевонь тиемста.
Тяни малачни ся пинксь, мзярда сембя од ломатненди, а сембода инголя комсомолецненди и школава тонафни идьморхненди, можно кярьмодемс нингя фкя оцю тевс — имежнь садонь водендамати. А „Од Велесь“ эсь „Валда Ян“ журжналонц эса кармай пинкста пинкс сьормачнема стама статьят, конатнень корява ули кода содамс од ломатненди, кода тиемс тейст марстонь имежонь сад (коса ули марстонь мода — школань участкаса, или комсомолонь ячейкась сонць веши обществать кяцта мода пакш), а коса марстонь мода аш — кажнайсь эсь пересонза.
Тя тевсь аф стака, а пользяц пяк оцю, кода эстейсть од ломатненди, станя сембя велети.
Комсомлец и пионер ялгат! Сьормачнеда „Валда Ян“ журналти, коса эрь номерть эса кармай нолявма материал комсомолонь и пионеронь эряфста.