| КАЛИНИН ЯЛГАСЬ АЩИ 10 КИЗОТ |
| ВЦИК-онь ПРЕДСЕДАТЕЛЬКС. |
Сембе трудяй ломаттне марсесазь, а ламоц и содасазь, сембе союзонь ЦИК-ть председателенц Калинин Михаил Ивановичть. Калинин Михаил Иванович сокай види ломань, заводской рабочай, шачсь 1875 кизоня Тверской губ Корчевскай уезца, Печетовскай волозьса, Верхняй Троица велеса, сокай видиень семьяса. Тонафнесь Михаил Иваныч волень школаса 4 кизот, Калинин ялгась шаба пинкстонза куца ванекшнесь шабат, посабляль кудонь эряфса и 10 це кизоса, кармась тонафнемя грамотас славянска букваса сире солдатонь пяле. Тяда меле виихца повсь тонафнеме земскай школав, конань аделамок сивоць работама эсь велень помещиконьди Болтовскаеньди. Помещикть пяле слугакс эрямста баярсь сонь сявозе Питери. Петерэса Калинин читандакшнесь салавань книжканят, газетат и кармась содцемя рабочайхнень мархта. Васенце повсь работама Арсеналу а тоса Путиловскай заводу. Завоца Калинин кармась сотцемя сире политическай рабочайхнень мархта и кармась соньцке вииста работама политическай тевса. Революционнай тевонкса Калинин 1899 кизоста повсь тюрьмав. 10 ковда меля тюрьмаста сонь нолдазь и панезь Питерьста Тяста севомок Михаил Ивановичень эряфоц тусь кода мярьгондихть „по волчьему билету“. Коза аф моли мельганза ваныхть, ламос фке васца работама аф кацазь. Ульсь Кавказса, тоса работась салава политическай тевса Тифлизса. Кавказста мольсь Ревель ошу и тоса 1903 кизоста тага пякстазь и севозь ащемя Питери. Кизода меля нолдазь и сон тага повсь работама заводу, но аф ламос. Рабочайхнень инкса ащемьда Калинин ялгать панезь ссылкас Олонецкай губерняв, коста сон ворьгець эсь велезонза и тоса ащесь 1905 кизоти молемс. Кодак ушоцть забастовкатне, Калинин ялгать седиец изь кирьде и сон тусь Питери политическай работас. Салава то тяса, то тоса, Калинин работась большевицкай фракцияса 1915 кизоти молемс. 2 кизот работась Питерса „Айваз“ завоца и февральскай революцияда инголе панекшнозь Сибири, но сон пякстама васцта ворьгоць и кяшендезь эрясь Питерса революциять самс. Февральскай революцияста Калинин кочкафоль
| Рис. Бондяковть И. Я. |
| [ Бондяковть И. Я. рисунка ульсь тяса, нардови тяста, сяс мес кардасамазь путомс сонь тяса. ] |
| Урадяхть сура. Ливадия пос. Пенз. окр.
|
Питери ошонь думати гласнайкс, А октябрьскай революцияда меля городской головакс Питерь ошу.
Март ковста 1919 кизоста Калинин ялгась кочкаф председателькс Центр. Исполн. Комитету, коса ащи тяниньге. Цикть председателькс Калинин ялгась повсь сембода стака пинкть и войнас и вача шись эрявсть сяськомс, эрявсь рабочай крестьянскай власць кемокстамс. Ня стака тевса сембе вийса работась Калинин ялгась Ленин и лия ялгатнень мархта, партиять указса виде ваймоса работай тя пинкть самс.
Совецкай работаса Михаил Иванычень работац пяк оцю, сонь лездомасонза машфтоськ гражданскай войнать, машфтоськ контр революциять.
Мартть 30 це шистонза топоць 10 кизот, йот ащи Калинин ялгась сембе союзонь старастакс. Тя шить Москуса ульсь правительственнай пуромкс, коза пуромкшнесть сембе союзонь Цикть президиумоц, Союзонь и РСФСР-нь СНК-не, конат советскай работанц и пара арьсемада меля пузь панжемс Калинин ялгать лемс 100 стипендия тонафни шабатненьди велень хозяйствань и промышленнай школава, конат максомс беднякненьди батракненьди и рабочайхненьди.
|
| СНИМКАСА: (керьши кяцта видети) Молотовсь, Микоянць, Сталинць, Г. И. Петровскийсь, Ворошиловсь, Калининць, А. П. Смирновсь и Толоконцевсь. |