Валда ян/1932/03/Нингя сяда пяк таргасаськ трудяй авать социалистическай строительствати
|
| |||
 | ||||
| (СВЕТЛЫЙ ПУТЬ) | ||||
| Март ков 1932 к. 3 № |
| Нингя сяда пяк таргасаськ трудяй авать социалистическай строительствати |
Сембемасторлангонь коммунистическай авань шить 22-це годовщинац йотафневи ся пингоня, мзярда минь советонь масторсонок партиянь и сонь ленинскай ЦК-анц большевиконь кемя руководстванц вельдя сатомя пяк оцю сатфкст социализмань тиемаса и вете кизонь плантть ниле, а промышленностень кой кона юрхнень эса 3 и 2½ кизоста пяшкодемаса.
Нят пяк оцю сатфксне ниньге весть тейнек няфнесазь партиять генеральнай китьксонц цебярь шинц, нят сатфксне ниньгя весть корхтайхть рабочай клазть и трудяй сьора види колхозникнень ся пяк оцю творческай кепотьф мяленц (энтузиазманц) колга, конац ульсь няфтьф работаса.
Нят сатфкснень сатомаса аф йомбла васта заньцесть и заньцихть трудяй аватне конат производстваса и велень хозяйстваса работамстост оцю мяльса йотафнезь трудонь од метоттнень-социалистическай фкя фкянь йотамать и ударничествать, синь сидеста арсесть инициаторкс нят од метоттнень работати сувафтомаса.
Социализмать инькса тюремаса шиста-шис коль касы авать ролец, кода социалистическай обществань полноправнай и активнай строителень.
Минь советонь масторсонок авань труць заньци пяк оцю васта народонь хозяйствать сембе юронзон эзга. Кда сявсаськ промышленностть, то минь няйсаськ, што тоса сембоц авада работай 2 миллиотт 142 тьожань ломань транспорца 207 тьожань ломань, строительстваса 403 тьожань ломань. Марнек минь Советонь союзсонок работай и служай 16 миллион, 864 тьожань ломань, конатнень эзда авада 5 миллиотт 390 тьожань ломань.
Кда сявсаськ минь Мокшэрзянь областенеконь, то тяса тяфта-жа минь няйхтяма оцю сатфкст авать соц. строительствати таргамаса. Аф ваномок сянь ланкс, што мокшэрзянь авась ульсь пяк люпштаф оцю азорнь властть мархта, аф ваномок сянь ланкс, што сон культурнай ширьдя лятф пяк фталу, сон танга сяка марса алятнень мархта кярьмочни социалистическай строительствати.
1930 це кизоня минь Мокшэрзянь обласьцонок промышленносьца авада работась 324 ломань, 1931-це кизоня промышленносьца ни работась 1443 ава и торфоразработкатнень эса 2745 ава. Нят цыфратне пяк лац няфнесазь сянь, конашкава вишкста трудяй авась тарксеви вишкста касы социалистическай строительствати, конашкава трудяй авась тарксеви эсь куд йотконь стака и аф производительнай тевонзон эзда марстонь социализмань тиема тевти.
Тяконь шовор трудяй авась коль вишкста и вишкста тарксеви велень хозяйствать социалистическайкс одукс тиеманцты. Трудяень авась велеса арси васеньце рятти сплошной коллективизациять инькса тюремаса и тянь вельдя кулачествать, кода классонь машфтомаса.
Лама ава колхозонь производстваса работайхть руководящай работава (правлениянь председателькс, полеводкс бригадиркс). Лама ава арсихть васеньце колхозонь арганизаторкс.
Пяк лама ава оцю мяльса работайхть государствань управлениянь оргаттнень эса. Сембе Союзса 300 тьожань ава ащихть советонь исполкомонь и ревизионнай комиссиянь членкс; 500 тьожаньда лама ава таргафт советтнень работас предприятиятнень, совхоснень, колхоснень эзга секциятнень, производственнай совещаниятнень, батрацко-бедняцкай и депутатскай группатнень вельдя.
Тяста няеви кода тевса йотафневихть эряфс Ленинтть валонза — „эрь кухаркась маштоза государствать ланкса управлениянь вятема.“
Работницатнень и колхозницатнень производственнай активносьцнон касоманц мархта ряцок касы и синь политическай активносьцновок.
1930-це кизонь 1 це январьста минь Союзсонок партияса авада ульсь 219.338 ломань, али 14 процент сембе партиянь члеттнень и кандидаттнень эзда, а 1931-це кизонь 1-це июльти синь эздост партияса уль 383.149 ломань, али 15.6 процент.
Минь Мокшэрзянь обласцонок 1930-це кизоня партияв таргафоль авада 275 ломань, 1931-це кизоня 517 ломань. Но аф ваномок сембонь тянь ланкс, эряви азомс, што аватне партияв тарксевихть ниньгя афсатомшка и синь партияв таргамасост работась эряви вишкотемс.
[ 2 ]
 |
| ТРЕМАСКИНА ялгась (Мокшэрзянь авт. область). ВЦИК-онь II-це сессиянь деле- гатка, партиянь кандидатка, сельПО-нь председатель, кучозь тонафнеме совпартшколав |
Аватнень культурнай ширьдя фталу лядомаснон мархта тюремась заньци пяк оцю васта сембе минь работасонок. Минь Мокшэрзянь обласьцонок 1931 це кизоня тонафнеф ликпунктова сьормас аф содой авада 71,935 ломань и фатяфоль кржа сьормас содаень курснень мархта 17.337 ломань.
Сембе тя пяк ламода кепоцы трудяень авать активностенц, тарксесы сонь классовай врагть влияниянц алда, конац пяк сидеста эсь кальдяв тевонзон тиеньдеме сявонцы аватнень культурнай фталу лятф шиснон.
Вишкста касы промышленносць, оц строявикс фабрикатне и завоттне вешихт пяк лама од рабочай вий. Тя рабочай вийть ули кода мумос аньцек велеста. Но, штоба сонь мумс велеста, эряви тиемс стама условият, конатнень вельдя бы улель кода лисемс тя рабочай вийти.
Тяфтама условият минь тиенттяма авать воля шис нолдаманц (раскрепощениянц) вельдя, сонь кухнять, цюгуттнень, очкнень и корьхцягатнень эзда явфнеманц вельдя. Тяда башка вишкста касфтови школада ингольдень воспитаниянь учереждениятне (идень саттне, площадкатне и яслетне) нолясазь авать воляс и максихть теенза пиньгя работамс социалистическай строительствать эса.
Минь абласцонок 1930 це кизаня идень яслятнень мархта фатяфоль 4320 идь, 1931 це кизоня 16 210 идь.
Идень саттнень и площадкатнень мархта фатяфоль 1930 це кизоня 685 идь, 1931—це кизонь 1-це Октябрьти синь эзост фатяфоль ни 4,640 идь.
Тя сембе пяк лац няфнесы конашкава цебярьгафневи авать эряфоц минь Советонь Союзсонок, конашкава вишкста трудяень авась тарксевы шиста—шис касы социалистическай строительствати.
Копиталистонь масторхнень эса сембе трудяйхне, а сембодонга пяк авась эряйхть тяфтама стака условияса, што теест аш кода и арьсемска эсь полетическай и культурнай ширеснон касфтоманц колга. Копиталистическай масторхнень эса авати аф макссевихть кодамовок прават. Сонь лангозонза фкя ширьдя люпштай капиталисць, омба ширьдя буржуазнай государствань закоттне и колмоце ширьдя сонь кудонь эряфоц.
Вишкста касы мировой экономическай кризизсь, конац фатязень капиталистонь масторонь промышленностть сембе юронзон (военнайда башка) эсь сталмонц мархта люпштай трудяень крдатнень и сембодонга пяк аватнень ланкс. Лама миллион безработнай ава, конат лиссть кризизть вельдя, йордафт вача шити, вача эряфти. Пяк сидеста работафтопденди аф макссихть кодамовок пособия. Тя работафтома арьмяйсь шиста—шис коль касы и касы.
СССР-сь васенце странась сембе мастор-ланкса, коса машфтф работафтома шись, коса пяк вишкста касы вешьфкссь рабочай вийти.
Капиталистонь масторхнень эзга аватне предприятиява работайхть 12-14 част, а колониальнай масторхнень эзга нльня 18 част, и тянкса теест макссевихть несчастаей грошт, да няньга шиста-шис коль кирьфтасазь.
Сембе тя пяк ламода касфцы трудяень аватнень революционнай мяльснон. Трудяень аватне марса эсь мирьцнон мархта сидеста лисендихть эсь марстонь вракснон — капиталистть каршес и тя лисендемасна синь сидеста канни аф экономическай; а политическай характер.
Копиталистонь тюрьматнень эса юмай-арай пяк лама миллион трудяй ава—работницат, коммунисткат конатнень ланкс кяжи зверькс ваныхть капиталисттне, конатненьди пякь сидеста сашендови азондомс голодовка и куломс вача шить эзда.
Сембе масторлангонь авань коммунистическай шить эзда сембе масторонь трудяй аватненди эряви пуромомс ленинскай Коммунистическай инцернационалть перьфкя, штоба страфтомс капитализмать сембе мастор ланкса, штоба сатомс мировой пролетарскай революцаиять, арелямс социализмань мировой базать СССР-ть!