|
| |||
 | ||||
| (СВЕТЛЫЙ ПУТЬ) | ||||
| Апрель ков 1932 к. 5 № |
| Видьмонь фонць улеза кочкаф. |
| Большевиконь тундати анокламаса тиемс вишкя перелом. |
Хоть кодама тевсь цебярьста ули йотафтф аньцек эста, кда теенза эсь пиньгова и цебярьста ули аноклаф. Минь инголенок тяни ащи пяк оцю политическай задача - тя большевиконь колмоце тундань видемати анокламась и видемать йотафтомац. Тя задачать цебярьста пяшкодемац арай минь инголенок оцю политическай экзаменкс, конань пяшкодемац няфцы минь уликс эрьгянеконь, няфцы минь большевиконь работанеконь.
Видемати пинькта лячни аф лама. Но аф ваномок тянь ланкс минь ниньгя кой кона тевса анокламанекя молихть аф стама темпса, кодамса-ба синь эрявольхть мольфтемс. Пиньксь фкя васца аф ащи, сон вишкста моли инголи, Сяс тейнек тяфта-жа эряви эряскодомс пинкть мельгя, эряви аф аньцек лядомс пинкть эзда, но молемс инголя, штоба большевиконь колмоце тундать васьфтемс цебярьста аноклафста сембе сонь башка пяльксонзон эса. Тя арай фкя инь оцю вастокс, конань цебярьста тиеманц вельдя минь няфцаськ, што „аш стама перяфкст, конатнень вельф ба афольхть комотев большевикне“ (Сталин).
Нят валхнень коряс миндеенек эряви мольфтемс сембе работанекя колмоце большевиконь тундати анокламаса и тундань виемать йотафтомаса. Но тяфта ли минь работатама сембе вастава? Аф. Аф тяфта. Кой-кона вастова ниньгя тя пинькс лифнихть стама мяльхть, што аф сатыхть видьмотне, аф саты фуражсь и ст. тов. Нят мяльхне видексонь оппортунистонь мяльхть, конатнень мархта тюремась эряви путомс васеньце вастти. Ков сяда вишкя ули тюремась тяфтама мяльхнень мархта, тов сяда цебярьста аноклафтама видема кампанияти, тов сяда цебярьста йотафцаськ тундань видемать.
Ванцаськ кода минь аноклатама. Кда сявсаськ видьмонь фондонь пуроптомать, то няйсаськ, што марстоптф видьмонь фондта 1-це апрельть самс пуропф 86 процент сембе видеманди арьсеф фондть эзда, а кда сявсаськ страховой видьмонь фондтнень, то тяса тевсь ащи козонга аф яраштыста. Страховой видьмонь фонць кочкаф колхоснень эзга аньцек 36,5 проценц и башка эряень хозяйстватнень эзга 43,5 проценц.
Тя корхтай сянь инькса, што вастова страховой видьмоть кочкаманц ланкс ваныхть ширем сельмот, сонь лангозонза аф шарфнихть стама мяль, кодама ба эряволь шарфтомс. Штоба касфтомс тятдень тундань видема кампаниять видемя площаць 17,3 проценц (кода арьсеф), эряви анокламс сатомшка видьмя, эряви сембе арьсеф видьмонь фонтть кочкамс эсь пиньгова и 100 проценц. Но башка райоттне тя тевть юкснесазь и аф пяшкочнесазь. Марстоптф видьмонь фондонь пуроптомаса заданияснон пяшкодезь аньцек кафта районтт: Инсароннесь 114,5 проценц и Атяшевань 100 проценц. Пяшкодема малаcот: Ичелкань районць кочказя видьмонь фондть 98,5 проценц С. Шайгавоннесь 96 проценц, Кочкурованнесь 94 проценц и Ардатовань 93 проценц. Тя пинькс пак лядондхть марстоптф видьмонь кочкамаса: Темниковань районць, конац заданиянц пяшкодезя 63,3 проценц, Слободаннесь — 69 проценц. Нят райоттнень эса кода няеви аф йотафневи сатомшка массовай — азондома работась, синь ашесть машта тя тевть ладямс станя, кода—ба сон эряволь. Страховой видьмонь фондонь кочкамаса заданиять пяшкодезя аньцек Теньгушевань районць, конац страх. видьмотнен кочказень колхознай сектарть кига 110 проценц и башка хозяйстватнень кигя 115 проценц.
Тя пинькс аф кярьмочнихть страх видьмонь фондонь кочкамати С. Шайгавонь районць, конац заданиянц пяшкодезя колхоснень эзга 22 проценц и башка хозйстватнень эзга 24 проценц, Торбееваннесь, колхоснень эзга планонц пяшкодезя 7,5 проценц и башка хозйстватнень эзга 27 проценц. Тяфтама тефненди эряви тяиок путомс пе и инь маластонь пинкть эзда видьмонь фондонь пуроптомаса башка райоттнень эзга тиемс вишкя перелом.
Кда ванцаськ танга видьмонь ароптомать то тяфта-жа няйсаськ, што тясонга минь мольхтяма пяк савор. 1-ие апрельть самс [ 2 ]облазть эзга сембе видьмось ароптф аньцек 77,6 проценц, а улихть райотт, конат лядондыхть йофси, фталу, кода: Атяшевань районца видьмотне ароптфт аньцек 38 проценц, Слободаннеса 46 проценц и Темникавонеса 56, проценц. Тя корхтай сянкса, што нят райоттне сьоронь шачемать касфтоманц инькса тевть аф лувонцазь эрявикс тевкс, а минь содасаск, што ароптф видь моса видемась арси основной пяльксокс сьоронь шачемать касфтомаса.
Видьмонь ароптома тевти (сембодонга пяк башка хозяйствань секторга) пяк ламода шорьси кулаконь агитациясь сянь колга, што, „максыть араптомс видьмотнень и синь сявсазь, тяда меле лядать видьмофтемя“. Тяфтама кулаконь агитацияти эряви максомс кемя отпор, массовой азондома работать инь цебярьста вишкоптеманц вельдя.
Большевиконь колмоце тундать фкявок гектар мода тяза уль видеф апак ароптт видьмоса.
Апак ароптт видьмонь сьороть араптфонь ланкс полафтомась тяфта-жа йотафневи козонга аф кондястиста. 1-це апрельть самс видьмонь полафтома заданиясь облазть эзга пяшкотьф аньцек 56,3 проценц. Саранскаень районць видьмонь полафтомас а заданияни пяшкодезя аньцек 13 проценц. Кавылкинань районць 16 проценц и Темникавоньнесь 26 проценц
Аф тяда цебярьста ащи тевсь паксяв наземонь усксемать мархта. Минь инголенок ащи задача - сембе наземть ускомс паксяв штоба максомс модати сатомшка питательнай веществат и штоба тяконь вельдя касфтомс сьоронь шачемать.
Но кда минь ванцаськ кода вастова колхосне и башка сьора—видиень хозяйстватне йотафнесазь эряфс тя тевть, то неяви, што аф сатомшка цебярьста. Сембе облазть эзга наземонь усксемаса заданиясь пяшкотьф аньцек 39,3 проценц, а кда ванцаськ башка кой-кона райоттнень, то синь эсост тевсь ащи нингя сяда кальдявста, Чамзинкань районца паксяв наземонь усксема заданиясь пяшкотьф аньцек 6 проценц, Теньгушевань — 9 проценц, Ардатовань — 10 проценц и Зубунь 16 проценц. Нят райоттненди эрявихть кадомс тя тевса тяфтама черепахань аськолксса молематне, эряви теест сембе наземть ускомс паксяв.
Ловонь кирьдема тевсь, кода пяк оцю мероприятия, конац лезды сьоронь шачемать касфтоманцты тяфта-жа моли козонга аф кондястиста. 1-це апрепьть самс - паксянеконь эса ловонь кирьдема заданиясь пяшкотьф аньцек 30,7 проценц. Тя тяфта-жа корхтай, што ловонь кирьдемась аф лувондови вастова стама оцю мероприятиякс, кодамокс ба сонь эряволь лувомс.
Тятдень большевиконь колмоце тундать кормань визефкссь минь инголенок арси пяк оржаста. Тя пяк оржаста ащи сяс, што васень тялоть пяк лама колхозга кормать йотафнезь безобразнайста, ашель кодамовок контроль сонь ланксонза и сембонь тянь сюнода лисенць ся, што кормать каннезь кинди мзяра эрявсь и кинь мзяра мялецоль. Штоба цебярьста и эсь пиньгова шумордамс видемать, алашатненди эряви максомс сатомшка корма. Сяс фуражень анокламать шири тейнек эряви шарфтомс инь оцю мяль. Но аф ваномок сембонь тянь ланкс, танга сяка фуражень анокламась тя пинькс йотафневи аф сатомшкаста. Кда грубай кормань анокламаса заданиясь обласьцонок пяшкотьф 1-це апрельти 87,5 проценц, то сильнай кормань анокламаса заданиясь пяшкотьф аньцек 63 проценц. Пяк кальдявста моли сильнай кормань анокламась Темникавонь районца, кона заданиянц 1-це апрельти пяшкодезя аньцек 18 проценц, Слободань районць — 15проценц. Нят райоттне улема аф арьсекшнесазь киэефксть, што фуражфтома аф йотафтови цебярьста тундань видемась. Фуражень анокламати тяниок эряви кярьмодемс большевиконь темпса, штоба тундань видемати сембе фуражсь, васенда кигя сильнай корматне улельхть аноклафт 100 проценц.
Большевиконь колмоце тундань видемать йотафтомста пяк эрявикс тевонди арси трудть лувомац. Тя тевти миндейнек эряви тяниок инь цебярьста анокламс, мумс али анокламс стама ломатть, конат ба вятелезь тя тевть. Бригадирть ролец тундань видема кампаниять йотафтомаса пяк оцю. Сяс бригадирхненди эряви улемс цебярьста аноклафокс, эряви цебярьста содамс сембе колхозонь производствать башка эрь тевть.
Тундань видемати производственнай и рабочай платтнень цебярьста и эсь пиньгова тиемаснон эзда лисенди тундань видемать цебярьста йотафтомац. Но аф ваномок сембонь тянь ланкс 1-це апрельти обласьцонок пяк лама колхозга ниньгя апак тик производственнай платт. С. Шайгавонь райононь 62 колхозста производственнай платт тифт аньцек 34 колхозга, Саранскайнь райононь 80 колхозста производственнай платт тифть аньцек 56 колхозга, Инсарань районца 81 колхозста производственнай планда тиф аньцек 55 колхозга и ст. тов. Тя сембе корхтай сянкса, што производственнай планонь тиемаса работась нят колхоснень эса ниньгя тя пинькс йотафневи оппортунистонь темпса. А производственнай планфтома аш кода работамс, аш кода мольфтемс сембе тевсь большевиконь темпса.
Инь маластонь пинькть эзда тундань видемати анокламаса эряви тиемс вишктонга вишкя перелом, штоба тундать васьфтемс боевойста аноклафста!