Валда ян/1932/06/Васеньце майсь сембе масторлангонь пролетариатть боевой праздникоц
|
| |||
 | ||||
| (СВЕТЛЫЙ ПУТЬ) | ||||
| 1-це май 1932 к. 6 № |
| ШУМБРА УЛЕЗА | ||
| 1 - |
 |
М А Й С Ь |
| Ц Е | ||
| Васеньце майсь сембе масторлангонь пролетариатть боевой праздникоц |
Васенце майсь интернациональнай солидарностень ши, масторлангонь пролетариатть боевой праздникоц. Тя шиня революционай пролетариятне, люпштаф наротне, сембе масторлангонь труженикне труженицатне пуромкшнихть революционнай якстерь знамятнень ала, штоба Коминтернать боевой лозунгонзон ала азомс сире мирти эсь праванзонь, штоба азомс протест од войнань анокламать каршес, штоба няфтемс эсь виенц, эсь анок шинц лисемс СССР ть ареляма, эсь анок шинц тюремати социализмать инкса.
Капиталистонь мирть эса тапай кризисонь маштыкссь. Буржуазиясь, эрекста лездомать вельде социал фашистнень капитализмань ваныхнень ширеста, всякай лаца йорасы веляфтомс кризисонь сембе сталмоть рабочай клазть и трудяй сокай ломатнень лафту пряснон ланкс.
Буржуазиясь бта пяляс пине люпштай пролетариатть стадонга вача эрямшинц ланкс, мишенциня сокай ломатнень лядыкс паршиснон.
Но историять керядоц крхкаста ляпофцы буржуазнай мирть пильгала модать, штоба анокламас пролетарскай революциянь вию лисьфт. Классовай тюремась шиста шись голь оржакстоми и сяконь учт шарксты марстонь стачкакс и баррикаднай тюремакс. Клазсь моли клазть ланкс.
Масторть лангса классовай тюремась моли аф аньцек пфолетариатть и буржуазиять йоткса, но и кафта систематнень йоткса — социализмать и капитализмать, тюремась империализмань масторхнень и социализмань тии масторть йотка. СССР-сь — масторлангонь революциянь нежетькс отечества масторлангонь пролетариятненди. Сяс империалистне и синь кигаст кялихне II це интернационалста ноляса азь тевс сембе средстватнень, штоба васькафтомс рабочайхнень и сокай ломатнень, штоба анокламс нежедема васта совецкай союзть ланкс войнань кеподемати. Женевскай конференциясь разоружениять колга — ся стама перяф, конань фтала аноклави оружия од войнати. Манчжурияв и Китаи Японскай войскатнень эцемасна, Нациянь Лигати армиянь пуроптома планць, Дунайскай федерациянь (союзонь) пуроптома планць, сивотьф акшагвардеецнень террористическай тевсна, конат работайхть франциянь генеральнай штабть заданиянзон коряс, — сембе тя ушетксь СССР-ть ланкс войнань кеподемать колга планонь пяшкодемаса шинь стяма и мадома ширеста.
Минь славнай Якстерь армиянеке ащи кеме часовойкс СССР-ть арелямаса. Миньдейнек улема аноклафокс эрь минуцта кярьмодемс оружияти, штоба потафтомс интервентонь бандатнень. А тяста лисенди, што миньдейнек эряви пяконя кемокстамс. Якстерь армиясь вятемс эрь шиня тактич-
| Васенце майсь социалистическай фкя-фкянь йотамань и ударничествань ванома ши. |
[ 2 ]ескай работа масторнеськонь эсь прянь ареляма виенц кемокстамаса, трудяйхнень военнай тевти анокламаса... Эрь завотти эрь совхозти, МТС ти и колхозти арама оборонань нежедема пунктокс. А тя корхтай сянь колга, што аш кода лотксемс торжественнай надьяфнематнень и резолюциятнень ланкс. 12 миллиононь эзда ащи осоавиахимсь — вию резервац Якстерь армиять. Но тя резервась ичкизи аф анок, штоба пяшкотькшнемс пролетарскай диктатурань армиять рядонзон. Ня шитнень осоавиахимонь ЦС-ть йотафтф пленумоц лифць лама лафча вастт обществать вастоньорганизациянзон работаса. Осоавиахимовецне нинге исть тонада кода эряви работамс и вятемс руководства одукс, работамс тев ланкса большевицкай китькска молезь. Инь оцю задачась кемокстамс обществать алудонь ячейканц, анокламс и лифтемс опытнай руководительхть арьсемс работань программа и сувафтомс сознательнай кеме дисциплина содонфста трудяхнень оцю эрек шиснон и самодеятельносьцнон мархта.
Международнай положениясь и социалистическай строительствань задачатне вешихть, штоба минь виияфтолеськ и цебярьгатфтолеськ интернациональнай воспитаниять трудяйхнень йоткса. Миньдейнек эрявихть шарьхкотьфтемс эрь рабочайти, эрь колхозникти ширеста масторлангонь пролетариатть тюремань задачанзон, миньцень тюремань и строительствань задачанеконь. „Миньдейнек, коммунистненди и комсомолецненди, эряви толкавакшнемс афпартийнай рабочайхненди и колхозникненди сянь, мезе синьдеест изезь шарьхкодев“ (Постышев). Правильна и цебярьста марксизмать и ленинизмать основанзон азонкшнезь, партиять политиканц кочксезь и толкавакшнезь, 17-це партконференциять путфксонзон азонкшезь эрь шинь тефнень вельде няфнемс трудяйхненди минь тюреманеськонь и минь работанеськонь сотксонц сембе масторлангса пролетарскай революциянь марстонь задачатнень мархта.
Масторлангонь контрреволюииясь эсь тюремасонза СССР ть каршесь нежетькшни минь классовай врагонеконь илятксонзон ланкс масторнеконь эса. Аф педе пес нинге машфтф кулаксь, попсь, сектантць вов кльок нежедема и надьяма вастоц мастрлангонь реакциять. Видя, религиять инкса ащи да СССР-са иляткшни голь сяда и сяда кржа Социалистическай стройкать варчсеманзон ала калаткшнихть „шкаень церькавть“ нежетьксонза. Индустриализациянь и коллективизациянь оцю сатфксне лиякстоптозь масторнеськонь шаманц. Вию электростанциянь толхне, культурнай революциянь толсь коль сяда юмафнесы церкавонь штатолхнень (свецкятнень) валцнон. Касы од ломань, кона апак люпштак религиознай дурмантть алу. Но попне и сектантне, сембода пяк велеса, тяряфнихть нинге таргамс эсь ширезост сяда шобда трудяйхнень, религиять коряненза педа пес нинге апак сясть.
Аньцек пильгонек—прянек види кядь ширьдень оппортунистне, аньцек нят, конат йофси юмафтозь классовай бдительносьцнон и чутьять, могут лувомс аф эрявиксонди религиять каршесь эрьшиня тюремань задачатнень
Тя кизоня церькавонь очижись сашендови фкя шиня 1 це маень празникть мархта. Тя путни минь лангознок обязанность и васенкия воинствующай безбожниконь союзть организациянзон ланкс келептемс оцю антирелигиознай работа. СВБ-нь Центральнай совець азсь апрельть 5-це шистонза антирелигиознай пропагандань ков. Безбожниконь сембе ячейкатненди, сембе комсомолти, эрь ударникти эряви сувамс тя кампанияти, арамс тюрихнень васесцекс рядозост, конат вятихть тюрема церковнай гнетть и очежиста ирецта эряхнень каршес.
Сембе анокламась васенце майти, сембе очижить каршес работась, конешна, улеза содонтф и вятьф большевиконь колмаце видемать инкса тюремань задачатнень мархта. Аньцек педа-пес видьмонь пуроптозь, аньцек видемань плантть пяшкадезь кода лувксонь, станя и качествань ширеста, социалистическай паксятнень ланкса оцю урожаень аноклазь, - минь кемоста вачкоттяма кулакть, религиять, интервентнень ланга. Отвечамс трудяйхнень пуроптозь, ударнайста работазь, кеме колхознай бригадань пуроптозь, вов кодама большевицкай отвець, кулаконь тошксематнень каршес, попонь проповеттнень и оппортунистонь куфцекшнематнень каршес. Колмаце большевицкай тундань платнень пяшкодемасна арси условиякс омбоце вете кизонь плантть сатфксонзонды. Эрявикхть вийяфтомс сембе рычакнень шарфтомасна.
| Васенце майть шарфтомс стама праздникокс, конань вельде ниньгя сяда пяк вишкоптемс социалистическай фкя-фкянь йотамать и ударничествать, кемокстамс масторнеконь эсь прянь ареляма способностенц. |
| Капиталисттнень интервенциянь мяльснонь каршес отвечатама вете кизонь планть ниле кизоста сатфкс мархта шумордазь. |