| Социалистической строительствати |
Весень „Вете кизонь плантть 4 це мекольдень кизонц лемс“ займась кирьди пяк оцю хозяйственно-политическай шире. Социалистическай промышленнозьць и велень хозяйствась вете кизонь плантть тя мекольцень кизонц эзда анайхть оцю путомат (средстват) капитальнай строительствати кда 5 кизонь плантть 3 кс инь оцю кизонц эзда (1931 к) ульсь оду нолдаф 518 оцю фабрикада и завотта и пуроптфоль 1040 МТС, то аф сяда кржа, а ниньге сядонга лама улихть сувафтфт стройс тя кисоть эзда, а синь эздодост, тяфтама сембе масторлангонь гиганттне кода Магнитогорскай и Сталинскай металлургическай завоттне, Днепростройсь ушоцть ни работама.
Тя кизссь ащи омбоце вете кизонь плантти сувамань кизокс. Народнай хозяйствань кизонь кувалма плантть пяшкодеманц молемась инь оцю политическай задачать пяшкодеманц: капиталистическай элеметнень и „класснень мянь пес машфтомасна классовайста аф фкакс ащемань и эксплотациянь лиф ни туфталхнень мянь пес маштомасна, экономикаса и ломатнень мяльснон эса сире пингонь иляткснень машфтомасна и масторонькон сембе трудяй эряйхнень класфтома социалистическай обществань вию, сознательнай строителькс шарфтомасна, и хозяйственнай задачать шумордамс сембе народнай хозяйствать одукс тиеманц пуроптомс од техническай база народнай хозяйствать сембе пяльксонзонды“ (XVII партконференциять резолюциястонза).
Государственнай займатне ащихть фкя инь оцю пяльксокс ся средствань лувксть эса, кона путневи промышленозти и велень хозяйствать социалистическай секторонцты. Совецкай государствань займатне нежечнихть лама милион трудяй крдатнень ланкс, конат партиять руководстванц вельдя эряк вийса тюрихть социалистическай строительствань оцю плантть пяшкодеманц инкса. СССР-ва займань кирьди лувкссь кассь 33 миллион ломаньц „3 це инь оцю кизоть лемс“ займада миф 2 миллиард цалковаень питне эста мзярда правительствать ширьде заданиясь ульсь 1600 миллион целковаень питне. Мокшерьзянь облазьга займань кирьдида (аф лувомос апак пуропть эряйхнень) 238 тьожань ломань, „3 це инь оцю кизоть“ лемс займада заданиять коряс эряволь мимс 5013 тьожань цалковаень питн- миф 5169 тьожань целковаень питне.
Рабочайхнень эряма ащема шиснон цебярьгафтомать мархта, велень хозяйстваса социалистическай секторть касоманц мархта и тянь вельдя, колхозникнень дохоцнон косомать мархта ули кода минь
Мокшерьзянь областеньконь эзга касфтомс займань кирьди лувксть пцтай кафтонь крда
„Вете кизонь плантть мекольдень кизонц лемс“ займать мишендеманц эса йотай „3 це инь оцю кизоть лемс“ займать корас.
ЦК-ать, СНК-ть СССР нь ЦИК-ть сьоронь сиволень анокламать, колхознай торговлять и 1932 кизонди вельхозналокть колга мекольдень путфксна — пуропнихть оцю башка ширет рабочайхнень колхознай крдатнень и башка эряй трудяй сьора видихнень доходнозьцнон касфтомати и эряма-ащема шиснон оцюста цебярьгавтомати тя кизефксть (ширеть) шири партийнай организациятненди эряви шарфтомс оцю мяль од займать мишендеманц пинкста
Йотай кизоть эзда займовай работаса аф сатыксне и эльбятьксне — займань мишендемаса башка районга (Чамзинкань Ичалкань) эсь воля китьксонь синнемань кепотьксне займань мишендемать пинкста, займас сьорматфнихнень аф кемокстамасна, займань кирьдихнень йоткса работань пяк лафчста вятемась, колхознай средстваста, колхозникнень мяльс кулянь апак пачфт займанди авансонь йотафтомась, тя тевса печатть, а сембодонга пяк районнайть лафчста работамац лездома комиссиятнень лафча работасна и ст. тов сембе нят афсатыксне эрявихть лувомс вастонь парторганизациятненди, райкопненди ячейкатненди и коданянга аф нолямс тяфтама аф сатыксонь лисендемат од займать мишендеманц пинкста.
Види шири моли оппортунизмань лисендематне — займань работать аф эрявиксонди лувомац и „кержи“ шири комотнематне эсь воля (добровольностень) китьксть синнемац займань мишендамать пинкста лисендихть аньцек сянь мархта што аф лувонцазь займатнень политическай и хозяйственнай оцю ширеснон советскай экономикать эса.
Парторганизациятненди займань мишендема работать ушодомок эряви пуроптомс инь эрек тюрема партиять китьксонц синниензон каршес займань мишендема тевть эса Эряви тяниок вишкоптемс оцю массовай — азондома работа конань мархта инь оцюста фатямс сембе рабочайхнень, колхозникнень и трудяй сьора види башка эряйхнень, сатомс тя работать займань мишендемать мархта. Инь оцюста сувафтомс тя работати социалистическай фкя—фкянь йотамать и ударничествать. Печатти кода областень, а станя—жа и районнайти эряви арамс вию, инголи моли тюрикс займань мишендема тевть пяшкодеманц инкса.
Шарфтомс инь оцю мяль, пуроптомс инь оцю вий займань мишендема фронца — тя Мокшэрзянь областень парторганизациять тяниень пингонь фкя инь оцю задачасна.
| Тяза ляд фкавок трудяй ломань „вете кизонь планть 4-це мекольдень кизонц лемса“ займафтома. |