Велень хозяйствань артелень примерной устав/2
II. МОДАДОНТЬ.
2. Весе межатне, конат икеле явильть артелень члентнэнь модань наделэст, истожавить, ды паксянь весе наделтнэ теевить модань единой массивекс, кона ашти артеленть коллективной пользованиясо.
Артеленть кедьсэ модась (кода СССР-сэ весе лия модаськак) ашти весе народонь государственной собственностекс. Сон, робоче-крестьянской [ 5 ]государстванть закононзо коряс, закрепляется артелентень сроктомо пользованияс, лиякс меремс пингеде-пингес, ды сон а рамавиця-миевиця, а арендас артеленть пельде максовиця.
Эрьва артелентень советнэнь районной исполнительной комитетэсь максы моданть эйсэ сроктомо пользованиянзо лангс государственной акт, конасонть евтазь зяро артеленть пользованиясо модадонть ды моданть точной границанзо, причем неть модатне а кирьтявицят, сынст можна ансяк покшолгавтомс — эли государственной фондонь апак заня модатнень эйстэ, эли единоличниктнень кедьсэ аштиця лишной модатнень эйстэ, истя, штобу тень пингстэ кодамояк чересполосица илязо уле.
Обобшествленнойть модань угодиятнестэ явови эрьва колхозной кудонть личной пользованияс пире модань кондямо аволь покш участка (эмеж пире, сад).
Эрьва колхозной кудонть личной пользованиясо аштиця пире моданть покш-чизэ (эрямо постройкатнень ало моданть [ 6 ]апак лово) может улемс ¼ гектарсто ½ гектарс, башка районтнэсэ жо 1 гектарс областень ды райононь условиятнень коряс, конатнень устанавливают союзной республикань наркомземтнэ СССР-нь Наркомзементь указаниятнень коряс.
3. Артеленть модань единой массивезэ зярдояк не должен улемс вишкалгавтозь. Артельстэ выбывшей члентнэнень артелень модань площадьстэнть модань максомась воспрещается. Артельстэ выбывающейтне могут получамо мода ансяк государствань модань фондонь апак заня модатнестэ.
Артеленть моданзо явшевить паксява утвержденной севооборотонть коряс. Севооборотонь паксятнесэ эрьва полеводческой бригадантень кемекстави эрьва шкань участка севооборотонть прядовомс.
Колхозтнэсэ, косо улить животноводческой покш фермат, бути эряви ды бути улить сатышка модат, могут улемс явозь модань определенной участкат, конатнень кемекстамс фермантень ды [ 7 ]использовамс фермань скотинань туртов кормовой культуратнень видемань кис.