Велень хозяйствань артелень примерной устав/5
| ←IV. Артеленть ды сонзэ правлениянть деятельностест | Велень хозяйствань артелень примерной устав (1939) , edited by Вечканов С., Мурзин В. V. Членствадонть. |
VI. Артеленть средстванзо→ |
| Велень хозяйствань артелень примерной устав. Примизе колхозниктнень-ударниктнень Всесоюзной Омбоце Съездэсь, утвердил СССР-нь Совнаркомось ды ВКП(б)-нь ЦК-сь 1935 иень февралень 17-це чистэ. — Мордгиз, 1939, Саранск. — с. 16—18 |
V. ЧЛЕНСТВАДОНТЬ.
7. Артелень членкс примамонть ютавты артелень члентнэнь общей собраниясь, кона утверждает правлениянть пельде максовт од члентнэнь спискатнень.
[ 17 ]Артелень членкс могут вступать весе трудицятне кода аватне, истя цератнеяк, конатненень топоцть 16 иеть.
Артельс а примамс кулактнэнь ды весе сетьнень, конатне лишеннойть кочкамонь праватнестэ.
Примечания: Те правиластонть нолдтневить изъятият:
а) лишенецэнь сеть эйкакштнэнь туртов, конат зярыя иень перть роботыть общественно-полезной роботасо ды роботыть добросовестнасто;
б) сеть икелень кулактнэнь ды сынст семияст члентнэнь туртов, конатне, противосоветской ды противоколхозной выступлениятнень кис зярдо ульнесть панезь, эрямонь од таркатнесэ иень перть эсь честной роботасост ды советской властень мероприятиятнень поддержкасонть невтизь, што сынь витевсть.
Крестьянтнэ-единоличниктне, конат артельс совамодо икеле меельсь 2 иетнень перть миизь эсист алашаст ды конатнень арасть видмест, примавить артельс сестэ, бути максыть [ 18 ]обязательства пандомс эсист доходстост алашанть питнензэ ды видьметнень натурасо 6 иеде аволь ламос рассрочка марто.
8. Артельстэ исключениясь может улемс теезь артелень члентнэнь ансяк общей собраниянть решениянзо коряс, конасонть улить артелень весе члентнэстэ ⅔ пелькстэст аволь аламо. Артелень члентнэнь вейсэнь собраниянь протоколсо обязательна невтнемс, зяро колхозникт ульнесть собраниясо ды зяро кепедсть кедть исключениянь кис. Бути артелень членэсь сонзэ исключениядо постановлениянть кувалт максы пеняцямо советнэнь районной исполнительной комитетэв, сестэ вопросонть допрок решасы советнэнь районной исполнительной комитетэнть президиумось артелень правлениянь председателенть ды пеняцицянть пингстэ.