Безбородов М. И. Сочиненият 1-це томсь (1939)/Вирьти

(Redirected from Вирьти)
Сочиненият 1-це томсь  (1939)  by Безбородов, Михаил Ильич
Вирьти
Михаил Безбородов. Сочиненият, Васенце томсь. Мордовскяй Государственнай Издательствась. Саранск, 1939

[ 33 ]

ВИРЬТИ


Вай, вирь, сире вирь,
Сянгяре шама,
Ков тон щать-кареть,
Вдь аф якшама?

Мес аф каштордат?
Мес тон аф увнат?
Или стирь лаца
Мазицень шнафтат?

Шнафтта пря, вирняй,
Кизонда, атяй,
Сянкста тялонда
Мяльце пеняцяй.

А тяни перьфкат
Инжихть шарондыхть,
Мази шицень лангс
Сембе ванондыхть.

Аф фкя вастста сафт,
Аф фкя велеста,
Пуромсть перьф пяльде
Масторть келеста.

Сембе шнатядязь,
Сембе кельктядязь,
Ункснень керомда
Сембе пельхтядязь.

[ 34 ]


Эх, кода увнай
Пряват варманясь,
Чефназьне чефнай
Мази нармоннясь.

Вай, вирь, сире вирь
Менель алдонь серь,
Каст сериняста,
Кивок тянза керь.


1928 к.