Вӧрса
Вӧлӧсьт помын, вӧр дорын ыджыд му йӧр. Ар даса кымын Ёгор нима детина пинёвтӧ медпыді вӧрладор мусӧ. Сійӧ корсюрӧ сьывны босьтлас, чӧв ланьтлас, вӧв вылӧ горӧдлас. Рытладор нин, рӧмдыны кӧсйӧ. Мыйӧн Ёгор ланьтыштіс, кодкӧ вӧрас зэв гора серӧктіс. Ёгор чуймис, кывзӧ. Некод оз кыв. Бара горӧдіс сьывны. «Ка, ка, ка, у-у-у!» — вӧр тырнас кодкӧ шковӧбтіс-горӧдіс. Мукӧд кӧ эськӧ весьӧпӧри сэтчӧ пемыд горувнад. Ёгор сьылӧ. Вель дыр сідзи мӧда-мӧдыслы вильшасисны: ӧтикыс сьылӧ, мӧдыс сералӧ. «Аттӧ, — мӧвпалӧ: — мокосьтӧ — вӧрса, татшӧм матӧ лысьтӧма локны, му дорӧдз!» Сэсся дырнад шуштӧм жӧ лои: кутіс тэрмӧдлыны вӧвсӧ, эштӧдӧ пинёвтан. Коркӧ гортас воис да, висьталіс вӧрсаыдлысь сералӧмтӧ. Батьыс серӧктіс: — «Ёна жӧ, — шуӧ: — тэнӧ сюзь букуйыд повзьӧдӧма». — «Сюзь букуй! Тайӧ нӧ сійӧ вӧлӧма... Дивӧ тай! Со коді, вӧлӧм, повзьӧдчӧ, ме вӧрса пыдди пукті-а». Вель дыр шензис Ёгор.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). This anonymous or pseudonymous work is also in the public domain in other countries and areas where the copyright term of anonymous or pseudonymous works is 97 years or less since publication. |
|