Гожся рыт
Тӧлысь кыптӧ вӧр пу сайысь
Асыв-лунын быдса.
Рытыв-войын кыа кусі,
Оз кыв лунся зыкъяс.
Тӧлысьладор керка бокъяс
Кажитчӧны лӧзӧсь.
Вуджӧр сайыс пемыд гу кодь,
Нинӧм дзик оз тӧдчы.
Вӧлӧсьт горув видзьяс сайын
Мельнича пруд югыд,
Дзирдалыштӧ посни гыӧн
Джуджыд слуда улын.
Пукала ме сад йӧр вылын,
Мӧвпала дзик ӧтнам.
Мельничалӧн бузгӧм шыыс
Ӧддзыштлас да лӧньлас...
Небыд лун тӧв садйын суслысь
Вӧрӧдыштӧ лысъяс;
Льӧмлысь, кыдзлысь, пелысь пулысь
Шарӧдыштӧ коръяс.
|
This work was published before January 1, 1929, and is in the public domain worldwide because the author died at least 100 years ago. |