Дад, дад!
Иуасҳәарц сааит
Амра шгылаз иҟаҧшьӡа!
Дад, дад!
Иуасҳәарц сааит -
Адунеи зегь шыссирхаз зынӡа!
Аҵарақуа ҿыхеит,
Ашәҭқуа цәырцуеит,
Аҧстазаара иасны еилашуеит!..
Дад, дад!
Зегьы-зегь гурҕьоит,
Хуҷгьы-дугьы куаша-куашоит.
Унан, дад,
Уара иубандаз
Адунеи зегь шыҟоу ихааӡа,
Аҵарақуа
Рашәаҳәабжь уаҳандаз -
Идумкуа, иссирны, игукӡа!
Дад, дад!
Иуасҳәарц сааит
Амра шгылаз иҟаҧшьӡа!
