Ий гае шӱмем, шӱлалтем гын,
Шырпешт, каткалалт шалана.
Ийсӱс гай кидем шуялтем гын,
Ушет тыйынат шайлана.
Тыгай йӱштӧ телым ом шарне,
Кеч лийын ынде тӱрлыжат.
Кумдалыкна мӱндырк ок шарле,
Эсогыл туртеш йырюжат.
Шорт-шорт - лум шортеш йол йымалне,
Тудат ойгыж ден кӱртаҥеш.
Лышт-лошт – лупш мардеж вуй ӱмбалне,
Суксемым орлен шӱрдылеш.
Эсогыл пушеҥге-влак лӱйылт,
Ваш-ваш титаклат пудешталт.
Чу, тиде мемнан шӱм-кыл тӱйылт,
Сандал мландынам кылмыктас…
