Дышетӥськисьёслы сӥзисько (Ильин)

Дышетӥськисьёслы сӥзисько Автор: Михаил Ильич Ильин

Поттэмын: Гудыри : газет. — 1921. — № 48. — 3-тӥ бам.

Дышетӥськисьёслы сӥзисько

Кажной нунал, тӥледлы мон,
Турлы сяська ваисько.
Со сяськаме, чик жалятэк
Ваньдылы ог кадь люкисько
Уте, вордэ со сяськаме,
Мусо каре кузьымме;
Мынам кузьмам, кузьымъёсы
Возь сяськалы уг уша:
Утид ке но, вордӥд ке но,
Возь сяськаед шуялоз.
Мынам кузьмам, сяськае нош
Ялан, ялан будылоз.
Будэмъяз нош, туж паймоно,
Мусо чебер, луылоз
Турлы ческыт, тырос емыш
Тӥледлы со сётъялоз.

---