Сувт, чужӧмсяньыд ёрӧм йӧзӧй,
Раб нимныд вӧлі — вунӧдӧ...
Бур мывкыд вежсяс, сьӧлӧм ӧзйӧ
И вирным тышӧ нуӧдӧ.
Важ оланногсӧ, нартитӧмсӧ
Ми пыдӧсӧдзыс путкыльтам.
Ми выльӧс лӧсьӧдам олӧмсӧ:
Код нинӧм вӧлі — ыдждӧдам.
Припев:
“Сійӧ лоӧ медбӧръя,
Лоӧ медыджыд тыш:
Став йӧзыс ӧтмоз сувтас
И аддзас, кодлӧн мыж”.
Оз кокньӧд сет, кӧть кутам корны,
Ни озыр морт, ни сар, ни ен:
Бур олӧм лӧсьӧдны, шуд дорны
Ми вермам толькӧ ас киӧн.
И путкыльтны кӧ сьӧкыд олӧм
Да перйыны бур колантор,
Гӧль йӧзӧй вермас. Вунӧд полӧм
И дась пӧсь вылысь шудтӧ дор!
Припев.
Ми — сӧмын ми — му пасьта вывсьыс
Став уджалысь, труд лэптысь — ми —
Ки вермам пуктыны му вылас
И эмбур вылас — толькӧ ми.
И ыджыд гым кӧ гымыштас друг
Гӧль йӧзӧс гӧрысьяс юр весьт,
Сы понда миян весьтті лоӧ
Век шондіа — важ дорысь весь.
Припев.
This is a translation and has a separate copyright status from the original text. The license for the translation applies to this edition only.
