Туҡта, саптар, бер миҙгелгә туҡта,
Был йондоҙло сағым түгелме,
Күкрәгемдән урғып, бәхеттәрем
Беҙҙең елгән юлға түгелһен.
Йондоҙҙарым, әйҙә, юлға ятһын,
Төндәгеләр маяҡ итһендәр.
Әйҙә, саптар, сапсын ғүмергенәм,
Тояҡтарың йондоҙ һипһендәр.
Бәхеткенәм – яҡты йондоҙғонам
Бер үҙемә генә ниңә ул?
Йондоҙҙарым, әйҙә, күккә ашһын,
Урғыл әйҙә, бәхетем, илгә бул.
Миҙгелдәрем гел йондоҙло булмаҫ,
Еркәйемә сәсеп ҡалайым.
Юлдарыма тик бер йондоҙ маяҡ –
Мөхәббәтем генә алайым.
