Карел АССР союзной Карел-Финн ССР-лы пӧрмытон сярысь

Карел Автономной Советской Социалистической Республикаез Союзной Карел-Финн Советской Социалистической Республикалы пӧрмытон сярысь СССР-лэн 31-тӥ мартэ 1940-тӥ арын катэз

Карел Автономной Советской Социалистической Республикаез Союзной Карел-Финн Советской Социалистической Республикалы пӧрмытон сярысь

кат

Карел Автономной Советской Социалистической Республикаысь ужаса улӥсьёслэсь мылкыдзэс лыдэ басьтыса но национальностьёслэн эркын азьланьсконзы сярысь принципен кивалтӥськыса, Советской Социалистической Республикаослэн Союззылэн Верховной Советэз пуктэ:

1. Территориез, кудӥз 1940-тӥ арын 12-тӥ мартэ СССР но Финляндия куспын тупатэм мирной договоръя Финляндия бордысь СССР-лы отойти кариз, Ленинград борды непосредственно примыкать карись пичигес гинэ полосаез сяна, сётоно Карел Автономной Советской Социалистической Республикалэн составаз, со пӧлын ик сётоно каръёсты: Выборгез, Антреаез, Кексгольмез, Сортавалаез, Суоярвиез, Куолаярвиез.

2. Карел Автономной Советской Социалистической Республикаез Союзной Карел-Финн Советской Социалистической Республикалы пӧрмытоно.

3. Карелилэн составаз пыртэм территориысь промышленной предприятиосты, та Катлэн нырысетӥ пунктэзъя, общесоюзной значение басьтӥсь кӧня ке предприятиосты сяна, сётоно Карел-Финн Советской Социалистической Республикалэн распоряженияз.

4. Росси Советской Федеративной Социалистической Республикалэсь Верховной Советсэ куроно РСФСР но Карел-Финн ССР куспын шонер кунгож тупатон проектэз СССР-лэн Верховной Советаз эскерыны понна сётыны.

5. СССР-лэн Конституциезлэн (Инъет Катэзлэн) 34-тӥ но 35-тӥ статьяосызъя СССР-лэн Верховной Советаз Карел-Финн Советской Социалистической Республикалэсь депутатъёсты быръёнъёсты ортчытоно.

6. СССР-лэн Верховной Советэзлэн Президиумезлы поручить кароно быръёнъёслы нунал тупатыны.

7. Та катлы соответствовать каремезъя СССР-лэн Конституциезлэн (Инъет Катэзлэн) 13-тӥ статьяяз ватсан пыртоно, сое тазьы изложить карыса:

«13-тӥ статья. Советской Социалистической Республикаослэн Союззы луэ союзной государство, кудӥз кылдытэмын равноправной Советской Социалистической Республикаослэн добровольной объединенизылэн основаез вылын:

Росси Советской Федеративной Социалистической Республикалэн,

Украин Советской Социалистической Республикалэн,

Белорус Советской Социалистической Республикалэн,

Азербайджан Советской Социалистической Республикалэн,

Грузин Советской Социалистической Республикалэн,

Армян Советской Социалистической Республикалэн,

Туркмен Советской Социалистической Республикалэн,

Узбек Советской Социалистической Республикалэн,

Таджик Советской Социалистической Республикалэн,

Казах Советской Социалистической Республикалэн,

Киргиз Советской Социалистической Республикалэн,

Карел-Финн Советской Социалистической Республикалэн.»

СССР-лэн Верховной Советэзлэн
Президиумезлэн Тӧроез
М. КАЛИНИН

СССР-лэн Верховной Советэзлэн
Президиумезлэн Секретарез
А. ГОРКИН