Колхозонь эряф/1933/21-22/Кемготува киза
| Сембе масторонь пролетариятне, пуромода марс!
|
| „КОЛХОЗОНЬ ЭРЯФ“ | |
| 21—22 № | Ноябрь ков 1933 киза |
|
МОКШЕНЬ Литературно-художественнай и общественно-политическай ЖУРНАЛ. |
| НОЛДАЕЦ: Сембе союзонь писателень Мокшэрзянь областень ОРГКОМИТЕТСЬ. |
| Кемготува киза |
Иотась кемготува киза, кода пролетариаць ашу сьора види ломатнень мархта Россияса В. К, П.(б)—ть кядь ала, руководстванц вельде, йордазе буржуазиять властенц и марнек масторть котоцекс поланц лангс тись пролетариать диктатуранц. Властьсь йотась рабочай, крестьянскяй и солдатскяй Советнень кяц.
Од влассть васень шинь эрямастонза кивок вастсь пяк оцю, пяляс, сопротивления помещекнень и буржуазиять ширде. Тя сопротивлениясь пяк курокста арась пяк оцю гражданскяй войнанди, кона таргавсь пяк кувать. Тя гражданскяй, войнать эса, пролетарскяй государствать карше, кепоцть аф анцек Россиянь буржуазнай классне, но и лама лия масторонь страна: Чехо-Славакие Сибирса, Япониясь Америкать мархта — Дальнай Всстокса. Франциясь Англиять марта — Крымса, Кавказса и Украинаса, Польшась Белоруссияса и Украинаса и с. т.
Пролетарскяй государствась, штаба прдамс эсь виенс срафтф—калафтф империалистическяй войнать пиньгста народнай хозяйствать петема, сас марнек виец йордамс военнай работас, вятемс стака героическяй тюрема контрреволюциятъ мархта. Ня лама фронтне, конат ашкочнезь республиканеконь сембо ширьде, неньга сяда пяк срафтозь народнай хозяйстванеконь. Саты няфтемс, што продукциянека марнек промышленностсонок, кона ульсь 1920 киз. лядсь аньцек 13,8 проц 1913 кизоть коряс. Башка продукциянь лисемась прась неньга сяда алу. Равжа металлургиянь продукциясь прась 3,6 проц. 1913 кизоть корясь, кшнинь рудань таргамась прась 1 проц,, цементонь 1 проц. текстильнаись 9,4 проц. и с. т., а велень хозяйствань продукциясь прась 45 проц. Промышленнай рабочайхневок кирсть мякс пялес, да и сятка ащость апак работак, а работакшнесть тиенцть анцек зажигалкат да замокт. Ва ся промышленнознеконь уровенец, конань эзда тейнек сась кеподемс, тя аф эряви юкстамс мзярда минь ушодтама корхтама минь сатфксонеконь колга. Минь промышленностенека ульсь сембода ала лия странатнень коряс, конань эзда ушетсть кеподема, войнада [ 2 ]меле сембе капиталистическяй странатьне,
Аш месть корхтамска сянь колга, да кенярьчнесь мировой буржуазиясь сяс мес минь, пролетарскяй государствасонок, тяфта прась промышленностенека. Сон, Мировой буржуазиясь, пяк кенярчнесь тяньди, што минь тяфта алу прась промышленноська, сон пяк надиясь сянь лангс, што тейнек аф кеподеви пильга лангс, а сембода пяк сянь колга, стака промышленностенека, ся промышленностсь кона тии машинань тиема машинат. Кда, 1921 кизоня, советскяй правительствась йотась од экономическяй политикати, марнек мировой буржуазиясь арсесь: кули советскяй правительствась йотась од экономическяй политикати, то тя сяда курок пролетариать диктатуранц тисы буржуазнай демократияньди. Но арсемасна лацть аньцек арсеманди.
Кода Якстерь Армиясь тапазне синь гражданскяй войнаса сембе фронтнень эса тяфта-же контреволюциясь ульсь тапаф и минь строительнай фронцонок. Буржуазиять надиямац сянь лангс, што советскяй государствать политиканц мархта аф кеподеви народнай хозяйстванека и, што тя политикась вяцы меки капитализмати и советскяй странась арай колониякс мировой капиталти, но тявок ульсь тапаф
Од экономическяй политикась арась эрявикс этапокс од наступлениянди сембе фронтова капиталистическяй элементнень лангс. Сон, од экономическяй политикась, тейнек эрявсь кода трамилин, комотемс, васенда ласькомс, а тосани комотемс пролетарскяй диктатурати капиталистическяй элементнень лангс. И тя ласкомась лездсь тейнек кеподемс народнай хозяйстванекань аф аньцек сатомс войнада иньголде пиньгсь, но и ичкози кадомс сонь фталу. 1921 кизоня ушотф народнай хозяйстванеконь кеподемац апак лотксек кассь и кассь.
1926/27 кизоня минь асколдама войнада иньгольдень уровень вельф и лисема марнек оду тимань, народнай хозяйстванеконь, ки лангс. Промышленность и веленьхозяйствать кеподемода меле партиясь и правительствась ушотсь йотафтома эряфс васенце пятилеткать эряфс.
1926 кизоня минь йотаськ довоеннай уровенть, 1913 хизоть, минь фабрично-заводскяй промышленностенеконь продукцияц 1926 кизоня ульсни 104,4 проц. войнада иньгольдень пингть коряс. 1927 кизоня ульсни 119,6 проц. 1928 киз. 151,6 проц, 1929 киз. 191,6 проц, 1931 киз. 299.5 проц. Фабрично-заводскай и промышленностсь 1932 кизоня касс 1931 кизоть коряс ульсни 115 проц. 1933 кизоня анцек 10 ковста минь тиема пяк оцю саткст кода промышленностьэса, а тявтаже и велень хозяйстваса. Мин техникань тонадомань содама тевса тиема мировой рекорт.
Мин Пятилеткань планнека эсь пяк оцювонц мархта, кода сон ульсь арсеф дивандафтозе марнек мирть. Минь врагонека корхнесть тя планть аф йтафтомаос колга, син пяк арсесть тейнек, штоба сон эряф: афоль йотафтоволь, синь корхнесть, што тя аф мезе лия кода сапонь шовон пузырь, сон кирди анцек вармань уфамс, кодак уфай вармась то и сязеви тя планнека тя планц аф мезе лия кода пяляс ломанень арьсема Но синь, минь врагонека, юкстасть фкя, тя рабочай клазть и трудяй крестьянствать творческяй порывснон и энтузиазмаснон, син тя порывсна ульсь тяфтама оцю, што ветекизонь плантть пяшкодезь аф вете кизоста, а нилеста, а лама отраслева нлтай сяда йомла срокста, а кда сявомс нефтянной промышленность то синь пяшкодезь кавта пяле мархта кизоста.
Велень хозяйствань эряфса тяни нлтай минь инь заядлай врагонеконди сась мярьгомс, што колхознай стройсь сясксь лац, кона полафтозе марнек сяда иньгольдень велень хозяйствань структуранеконь. Тяни минь арама инь фталу илятф велень хозяиствастонок Советскяй союзсь арась инь иньголи моли велень хозяйствакс марнек мастор лангса. Колхозно Совхознай стройсь ламос кеподезе велень хозяйстваса трудть производительностенц. Тяни „кона кинь“ кизефксь сясксь аф мрдавксошкаста социализмать шири.
Велеса коллективизациясь вишкста моли иньголи. Трудяй сьоро видихне шарьходезь, што аньцек колхознень вельде петеви ся стака эряфсна, конань эса синь эрясть сядя иньголе, кона, коллективизациясь, аньцек максы культурнай и экономическяйста эряф. 1933 кизеть васенце пялеста сувась [ 3 ]колхозу 500 тьожянь куд азор, тяниень пиньгста пцтай 65 проц. сембе велеэряйхнень эзда пуромфтфт колхозс.
Тяни СССР-са, коллективизациять йотафтоманц вельде, весть и пяледе ламос видьсеви хлопка (ваткат) кавксть сяда лама якстерь ряпс, илянас и лият, 1928 кизоть коряс 1932 кизоня колхозне видьсесть 91 млн га, някоже хозяйстватне колхозу сувамода иньгеле видьсесть 63 млн. га. Тя 1933 киз. совхозне и колхозне видесть марнек 85 проц. странанеконь эзда сембе видьсеви модать ззда.
Партиясь и правительствась апак лотксек лездсь и лезды велень хозяйствать кепедеманцты, колхознекнень эряфснон цебярьгафтома, кредитонь максоз и продуктань уцезгофтомать вельде, ся продуктатнень конатнень рамсезь лавкаста.
Велень хозяйствати промышленностсь максы оцю лезкссонь индустриализавандамати. Велень трудсь тяни ламода сяда тьождялгофтусь: велень стака работась путневи кшнень машинаттнень лафтуснон лангс. Велень хозяйствать механизовандаманс мархта, максф лама трактор, комбайна и лия сложнай машинат ламос кеподезе трудть производительностенц. Тя мархта, трудть производительностенц, кепоц и колхознекть эряфоцка, кда йотай кизонда сонь трудшинцты сашенц 3—4 кг. сьора, то тяддяни сашендыни 6—7 кг., а инголи моли колхозга нлтай 10—12 кг.
Ня сембе сатфксне, социалистическай строительстваса тифт сяс мес пролетариатсь коммунистическай партиять кядь ала, коса вятикс ащи СТАЛИН ялгась, аф анцек лоткась и валхтызе вазенц капиталистическай элементнень каршес, но и изезе лоткафта лангозаст молемать, аф ваномс сянь лангс, што мезе ули вийса тяряфнесть тейнек шорямс виде и „керш“ шири таргай оппортунистическай элементне партиянеконь потмаса.
Партиять апак лотксек тюремац кафта шири утяй уклонистнень мархта мархтост мирендайхнень, и тя мархта тьождялгафтозе странанекень социализмати молеманц.
Партиясь и советскай властсь тись оцю сатфкст социалистическай строительствасонок сяс, мес партиять генеральнай линияц индустриализациянцы и велень эряфонекень коллективизациянц и ванфтомс середнякть мархта союзть ульсь единственнай виде политика.
Партиять генеральнай линиянц йотафтоманц вельде, странанека кона ульсь пяк розаряф империалистическай и гражданскай войнаттнень мархта мелкай и мельчайшай велень хозяйствань и мархта аф пяк оцю пингста маштсь сатомс аф анцек войнада иньгольдень уровенть, но и йотамс ся уровенть кореннойста одукс тиеск марнек хозяйстванеконь. Васенце пятилеткать пяшкедемац шарфтови странанекень аграрнай странаста индустриально-аграрнайкс и тиф фундамент социалистическай экономикати.
Васенце пятилеткать ниле кизоста пяшкодеманц мархта СССР—са тифт оцю индустриальнай предприятият тяжелай машинань тиемат, станоконь тиемат, тифт автомобилень, тракторонь и авиационнай заводт, аф йофси оду тифт паровозань, вагонань и пароходань тиемань предприятиятьне. Тиф од угольно металлургическай (Урало-Кузнецкай) база, пяк лац оду тифт и кепотфт вяри угольно металлургическай промышленностсь Украинаса и лия районга. Пяк кепоц минь электрическай промышленностенека и с. т. Ня сембе сатфкснень мархта, социалистическай предприятиянеконь, лифнесамазь минь иностраннай зависимость эзда.
Лац тяни няйви, што иньгольнек путф задачатне и аф аньцек сатомс, но йотамс инголи моли техническайста капиталистическай странатне. Тя кой кодама промышленнозень отраслева минь социалистическай предприятиянеконь годяпт аш капиталистическай предприятият аф аньцек Европаса, но и Америкаса.
Ня сембе сатфксне сяс мес кемокстасы рабочай клазтть мэрхта сьоровидихнень союзснон. СТАЛИН ялгась кода троцкистскай оппозициять, а тяфта же и види шири утяйхнень мархта тюремста пяк лац кирдезе и дага келептезе ЛЕНИНОНЬ учениянц пролетариатт мархта крестьянствать производственнай смычкать кемокстаманц разрабатандась кизефкс кода саньдемс капитализмать юронзон и тиемс класфтома социалистическай общества. Тяниень пиньгста, мзярда СССР са улини стака промышленность, кона кинь машинань тиемань [ 4 ]машинать, аньцек сокорсь аф няйсы кодама вяри кепоць пролетариатт мархта крестьянствать производственнай смычкасна, кодама кемоста кемокстась трудяй крестьянствать верендамац, пролетариатти вятемань тевса Аф мезенкса лиянкса, а аньцек тянгса ашувонь и середняконь крестьянствань массатне и сувайхть колхозу, конат эсь сельмосост няйзь, што колхозса эрямась пара башка эрямать коряс.
Большивитскяй партиять руководстванц вельде СССР-сь фкя победать эзда моли омбоцети, а капиталистическяй странава тя пиьгста молихть, афлямолихть, а геварезь геворихть алу, конатьнень эса повай кризизсь. Минь промышленностенека пцтай 31/2 ащи войнадо инголденть коряс сяда ламос, а Америкаса сон кирсь войнада инголцеть коряс, прась промышленнзсь 84 проц Англияса — 75 проц. Германияса — 62 проц Мин симимильнай, аськалятама асколкса иньголи, а капиталистическяй странатне 30-40 кизос потасть меки.
Марнек кризизть стака шиц прась трудяйхнень лангс. Работафтома шись тяниень пиньгста капиталистическяй странава лувондеви 50 млн. ломань. Работань питнеска кода Германияса, Америкаса, Японияса и лия капиталистическяй странава кризиста ингольдень пингть коряс прась 30-50 проц. Тя кризизть эзда капиталистическяй странава рабочайхнень пялесна ащихть вачеда, а илядыхне тяфтаже ащихть пялес вачеда. Ваче шись арась аф тушендеви инжикс рабочайхнен йоткса инь козя капиталистическяй странава, Америкаса, а сембода стакась вачеда ащемась гразяй Европаса. Тяфта ащи тевсь и эряфсь капиталистическяй странава, аф тяфта ащи тевсь и эряфсь СССР-са
СССР-са кизоста кизос касы рабочайть эряфонь благосостоянияц, а тяфтаже и касы и рабочай клазсьска, Промышленнай рабочайхне 1928 кизоть коряс кассть кафксть сяда ламос. Тяфтаже и кассь и народнай доходнековок, а тя мархта и работань питнеська 1928 кизоть коряс питьнеська кассь 67 проц., а тя 1933 кизоня 1932 кизоть коряс питнесь кассь 1,1 проц.
СССР-ть сембе сатфксонза тя статьять эса аф няфтивийхть, лоткатама аньцек дага культурна и нзциональнай строительствать лангс. 1914/1915 киз марнек тонафнесть 7-8 млн. ломань, а 1933 кизоня тонафнихт 20 млн. Специальнай школава и высшай учебнай заведениява революцияда инголе тонафнесть 390 ломань а тяни высшай учебнай заведениявм ВУЗ-са и ВТУЗ-са) и техникумса тонафнийхть 11/2 млн. ломань. Касыхть специалистонь кадрань ряднека. Пролетарскяй техническяй интелегенциянекень ряднека пяшкочневийхть рабочайса и колхознекса конатнеиди максетяма высшай образованият.
Пролетарскяй диктатурась лисеньди инь высшай демакратиянь формакс, 16 киза кода касфты национальнай строительствась келепневи национальнай формаса и социалистическяй содержанияса культура и наука.
Советскяй власть васенце асколкста кига ульстни пуроптф национальнай республикат, конат ульсть пуропфт ВКП(б) ть программанц коряс, коса ульсть ванфт машфтомс кодама тяст уле национальнай привелегиятне, нациянь равноправият, колониятнен и аф равноправиянь нациятнень мельга максфоль прават государствань тиемат 16 це годовшинати минь тя облозса улихть оцю сатфксенека. Тяниень пингста минь СССР-у сувси сисем республика. Марнек тяни минь СССР-са 19 республика, а кемонь кизот ингеле ульсь 14.
Советскяй странас, конань эса ащи руковидителькс коммунистическяй партияс конань эса ащи вятикс Сталин ялгась максь апак няйнть сяда инголе саткст. Вишкста касы и кеподи странанекон прозводительнай виенза, видеста апак лотксек мольхтяма класфтома социалистическяй обществати.
Ленинонь знаменц мархта минь сатома социалистическяй оцю сатфкст строительствать тиемаса.
Тякоже знамять мархта минь сясктама марнек масторонь пролетарскяй революциять эсонга (СТАЛИН)