Кер пӧрӧдігӧн
Ӧтчыд Митрей да Ӧньӧ, кык вок, кайисны кер пӧрӧдны. Вӧвъяс колисны вӧр керка дорӧ. Асьныс пырисны вӧрӧ, бурджык пуяс корсявны, дай торъялісны.
Митрей чатӧртчӧмӧн видзӧдӧ пуяс вылӧ. Друг кок улас мыйкӧ ур-вармуні. Ачыс вылӧ кыптыштігмоз шняп — кымынь уси.
Митрейлӧн сьӧлӧм быдсӧн ыркмуні, чеччис, видзӧдӧ — вель ылын ош тшынйӧ-котӧртӧ. Воськовтіс водзӧ, кок улас бара эралӧм шы кыліс. Сійӧ ӧдйӧджык вокыс дінӧ.
«Вай жӧ, — шуӧ мӧдыс: — пищальястӧ зарадитам».
Пищальясӧн, зоръясӧн локтісны повзьӧдчанінӧ. Ӧньӧлы син водзас уси неыджыд розьтор, сійӧ зортӧ розяд сюйис. Сэсь мурзігтырйи ошпи ыткӧбтіс-петіс. Эз на удит ошпи тувччыны — пищаль шы гымкылӧ резьӧбтіс. Ошпи турбыльтчис. Мӧдысь зор сюйисны, сэсь мурӧстігмоз ош чепӧсйис. Пищаль бара гымкылӧ лыйис — ош уси.
— Вай, — шуӧ Митрей: — кулям.
— Куимнансӧ нин ӧти сайын кулям, — шуӧ мӧдыс. Митрей нинӧм эз шу да кутіс джадж вӧр чукӧртны.
— Оз ков, — шуӧ вокыс: — сувтам пуяс саяс.
Лажгӧдчисны пуяс сайӧ.
Войнас нин, видзӧдӧны да, тапиктӧ-локтӧ ошкыд. Ылӧ на эз удит гу дорад воны — кык пищаль шы мӧда-мӧд вежмӧн косьыштісны-лыйисны. Ош гыпкысис.
— Ме тай, — шуӧ Ӧньӧ: — висьталі, мися, куимнансӧ ӧти сайын кулям.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). The author died in 1925, so this work is also in the public domain in other countries and areas where the copyright term is the author's life plus 98 years or less (if applicable), or the copyright term is 97 years or less since publication for posthumous works (if applicable). |
|