Кинди выгодна роштувась
| Кинди выгодна роштувась (1931) |
| СССР-нь безбожникнень союзснон центральной совецна. Кинди выгодна роштувась. (Кому выгодно рождество). — Центральное издательство народов СССР, Москва, 1931. |
Религиять каршес тюремась —
социализмать ингса тюрема.
СССР-нь БЕЗБОЖНИКНЕНЬ СОЮЗСНОН ЦЕНТРАЛЬНАЙ СОВЕЦНА.
Кинди выгодна роштувась.
Эрь религиять улихть сонцень празнеконза. Сембодонга оцю празнекокс христианскай религиять эса лувондови „роштувась.“ Ся шиня — бта ся шись христозть шачема шиц — христиатнень сембода ламосна молихть церькаву шкайти озондома.
Наукась кунаркигя ни няфтезя, што Исус христозсь, конанц лемса тиезь празнекокс роштувать, мзярдонга ашель. Аф аньцек ашель и аш Исус христос, но и лия кодамовок шкай аш и всякай религиясь арси опиумкс, атравакс трудендай ломатненди. Наукась няфнесы, што шкайти верондамась выгодна аньцек эксплоататорхненди (ломань лангса васькяйхненди). Трудендай ломатненди — ашуфненди, батракненди, середнякненди, колхозникненди, рабочайхненди — сон аф аньцек аф выгодна, а меклангт, канни пяк лама кальдявда.
Ванцаськ тевса, мезса может лездомс шкайнди верондай ломантти религиясь? Машты ли сон ломантть эряфонц тиемс павазукс? Аф машты, мзярдонга аф. Машты ли религиясь ломантть ванфтомс урматнень эзда и ванфтомс соннь шумбра шинц? Аф, аф машты. Может ли религиясь касфтомс сёронь шачемать сокай ломантть уманзон лангса и ванфтомс (избавить) соннь коськя кизоть и вача шить эзда? И тясонга тейнза мезевок аф тиеви. Эрь ломанць миннь ётксонок мяляфцы Поволожьяса вача шить, мзярда шкайти верондай ломатня, сяннь лангска аф ванозь, што синь пяк ни озонкшнесть шкайти, сембя сяка кулсесть вача шить эзда сядоса.
Религиясь кодамовок цебярь трудендай сокай ломатненди аф максы. Меклангт. Сон тейнза шёрьси тиемс зряфонц сяда цебярьста. Религиясь тиенди тормоз марстонь оцю хозяйствать касоманцты, кирьнесы культурнай и сёрмас содама шить касоманц сокай ломатнень ёткса. Сон лезды кулакненди тюремс советонь властть каршес.
[ 2 ]Кия жа может лездомс ашути, батракти, середняк-сокай ломантти тиемс сяда цебярь эряф модать лангса, кия жа может тиемс трудендай ломатнень павазукс? Тяннь ули кода тиемс аньцек эстейст трудендай ломатненди. Сяфтяма кепотькс.
Ламос эрясь Россияса оцюазоронь режимсь. Ашу сокай ломатнень люпшнезь (мучендакшнезь) помещикня, ватксезь синнь кецнон ленгакс, шокшендозь синнь эздост сембя сокть. Но вов Октябрьста 1917-ця кизоня трудендай ломатня ёрдазь самодержавнай стройть, и синнь эряфсна эстакигя кармась цебярьгадома. Ломань лангса васькяйхть исть ляд, государствась модать максозя трудендай сокай ломатненди, властти арасть рабочайхняй и сокай ломатня. Афкукс, тиевсь станя, кода морсеви „Интернационалть“ эса: „Кивок тейнек аф максы од эряф — аф шкайсь, аф оцюазорсь, и аф геройсь“... Аньцек синць трудендай ломатня синцень собственнай вийснон мархта полафтозь эсь эряфснон цебярь шири.
А религиясь? Коза сон терьнезень и терьцыня трудендай ломатнень? Тёжянда ни лама киза, кода эрь кизоня христианскай празнекста роштуваста марявихть церькавонь моронь морамат: „слава в вышних богу и на земле мир, в человецех благоволение“. Бта сембя цебярь. Церькавса шкайнди верондай ломатненди азонкшнесазь, што модать лангса мир, спокойна. Классовай врагт сяда лама аш ни, атяннь эзда лисенди, што и классовай тюремавок аш? Тяфтама мастор, СССР-да башка, аш. Меклангт, эрь кизоня капиталть классовай люпштамац сядонга пяк вишкомкшни и вишкомкшни. Трудендай ломатнень эряфсна сяда сталгачни, кальдявгаткшни. Эрь од роштуваста ломань лангса васькяйхня ляцендихть, казнендакшнихть, повсихть и шавондыхть сембя од и од тёжянца революционнай рабочайхть и сокай ломатть. Коса жа, кизефтемс, „модать лангса мирсь и ломатнень ёткса благоволениясь?“
Религиясь, мзярда сон корхни классовай мирть колга модать лангса васькафнесыня трудендай ломатнень, да аш кода соннь и тиемска, мзярс кармайхть улема класст. А класснень машфтомс ули кода аньцек тюремать вельдя. Религиясь служай ломань лангса васькяйхненди. Роштувань проповець мирть колга аньцек матодофнесыня трудендай ломатнень, шарфнесыня синнь мяльснон революционнай тюремать эзда, шополгафнесыня рабочайхнень и сокай ломатнень ёнцнон и сяннь мархта сон кемокснесы капиталистическай мирть эряфонц-ашефонц. Ули ли кода корхтамс тяда меля, што религиясь арси эрявиксонди (полезнайкс) трудендай ломатненди? Аш кода, — сон вреднай и пяк вреднай.
Сяфтяма омбоця кепотьксть. Советскай велесь одукс тиенцы эсь хозяйстванц коллективизациять вельдя. 25-шка % велень хозяйстватнень эзда СССР-са сувасть ни коллективс. [ 3 ]Сталин ялгась XVI-ця коммунистическай партиянь пуромксса азозя: „Ветя кизотнень ётамс СССР-са велень хозяйствать коллективс сувафтомац улеза почти прокс шумордаф“.
Колхосня кемоста полафнесазь сокай ломантть: тёждялгафнесазь соннь трудонц, касфнесазь ломатнень культурнай шиснон, касфнесазь велень хозяйствать тевонь тийфксонзон (производительнозсть), саннесазь капитализмать юронзонь, машфцазь кулачествать кода классонь. Трудендай ломатня велеса коллективизациять вельдя тиендихть синць, шкайнь лезксфтома, свободнай эряф модать лангса, конань колга синь кунаркигя ни арьсекшнесть.
Лезды ли тяса трудендайхненди религиясь? Мезень мархтонга аф лезды. Меклангт. Религиясь шёрьси велеть коллективнайкс тиеманцты. Попня и сектантня, кулакть агентонза, проповедникня вятихть агитация колхозть каршес. Кулакня попнень мархта марса религиять нолнесазь тевс, штоба соннь вельденза шарфтомс мяльснон шкайнди верондайхнень колхозонь тиемать эзда, сяземс колхозонь тиемать. Совхосня, коммунатня и колхосня попнень азондомаснон мархта лувондовихть антихристонь тевкс. Салава нолдаф листофкатня (лопанятня), конатнень велева каннесазь сектантня, корхтайхть сяннь колга, што эрь колхозникть конязонза пуцазь дьяволть печадонц и тона шить эса ся ломанць вечна кармай палома толса.
Кия жа лезды и кия жа шёрьси трудендайхненди цебярьгафтомс эсь эряфснон? Лездыхть эстейст синць трудендайхня, а религиясь налхки вреднай, контреволюционнай роль. Сон шёрьси велеть социалистическайкс одукс тиеманцты, сон меки таргсесынь ашу, батрак и середняк ломатнень велеса зверень кулакнень и помещикнень кядь алост. Апак лотксек классовай врагть мархта тюремать васц роштувань шитнень эзда марявихть проповетть классовай мирть колга. Кулачествать, кода классонь машфтоманц васц флангс коллективизациять вельдя, церькавсь терьни кельгома и сембя кальдяв тефнень простиндама, конатнень тиендезь кулакня и вредительхня. Вийхнень кемоньксть касфтомаснон васц, колхозонь тиема тевть ингса тюрема тевса, ветя кизонь планть пяшкодеманц ингса, масторть ареляманц кемокстаманц васц роштувась терьди празнеконь шитнень эзда ваймосемати, тевфтома ащемати, прогулонь тиендема и „мирти сембя мирть эса“ религиознай винада симондемати. Сяннь васц, штоба трудендайхнень мяльснон шарфтомс модань лангонь эряфти, модать лангса нужатнень лангс, штоба ащемс эсь синцень классовай интерезснон ингса, религиясь роштувань шитнень эзда трудендайхнень терьцыня, штоба синь эсь сельмоснон шарфтолезь менельть лангс, и максомс эсь пряснон сотнефтемс и [ 4 ]васькафтомс врагснонды — кулакненди тяса, модать лангса. Сяннь васц, штоба роштувань шитнень пяшкодемс упорнай, настойчивай, эрьхтезь работаса, сокай ломантть хозяйстванц цебярьгафтоманц ингса, религиясь терьди трутть эзда атказамати, празнеконь ётафтомати, тевфтома ащемати, конац пяшкотьф винада симондемаса, гуляндамаса, развраца, нярень тапамаса. Сяннь васц, штоба максомс трудонь ванфкснень (трудовой сбережениятнень) государствати социалистическай строительствать нужанзон пяшкодемс, или синнь мяльснон шарфтомс эсь хозяйстваснон цебярьгафтомать лангс, шкайти верондайхня нят шитнень эзда кармайхть кандома миллион манетт церькаву попненди, проповедникненди синнь эряфснон кирьдемс, синнь вреднай, контреволюционнай работаснон кемокстамс.
Кинди жа выгодна роштувась? Сон выгодна кулакти, ломань лангса васькяйти. Сон вредна рабочайти, ашути, батракти, середнякти, колхознекти.
Катк жа трудендайхнень врагсна молихть роштувань шитнень эзда церькаву, катк синь озондыхть тоса шкайти лезксонь анамангса. Рабочяйхненди и сокай ломатненди аф эряви тоза молемс, тейст эряви молемс эсь киснон эзга. Тейст эряви кемоста содамс, што религиянь синнь люпштасыня, а аф нолнесыня воляс лисемати, трудендайхнень павазу шиснонды кись ащи капитализмать машфтоманц и соннь нежедеманц — религиять машфтоманц пачк социалистическай строительствать вельдя.
Пяшкодемась ветя кизонь плантть ниля кизоста, сувафтомс марнек (флангс) велеть коллективс, сембонди сёрмас содама — вов трудендайхнень отвецна роштувати.
| Мордва-мокша
| |||
| „КОМУ ВЫГОДНО РОЖДЕСТВО“
| |||
| ЦЕНТРАЛЬНОЕ ИЗДАТЕЛЬСТВО НАРОДОВ СССР Москва, центр, Никольская, 10 | |||
| |||
| Книжная ф-жа Центриздата Народов СССР. Москва, Шлюзовая набережная, 10 |
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- it was anonymously published before January 1, 1954 (more than 70 years ago).
This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:
- it was anonymously published before January 1, 1946 (more than 50 years ago from 1/1/1996).
This anonymous or pseudonymous work is also in the public domain in other countries and areas where the copyright term of anonymous or pseudonymous works is 92 years or less since publication.
Public domainPublic domainfalsefalse