Муртъёслэсь мон тырос кылӥ
Ӟеч кенешъёссэс,
Визь сётэмзэс, кадырламзэс,
Оскытэмъёссэс.
Ваньзы соос соку монэ
Либатыса возизы:
«Кызьы ке но чида ини»
Тыныд юрттом шуизы.
Сӥземъёссылы оски но
Сюлмаськонъёсме куштӥ —
Вити, вити, пумаз ӧй ву,
Сютэм кулонлы вуи;
Ярано соку шедьтӥ мон
Одӥг туж ӟеч, визьмо мурт.
Тау солы. Со ке ӧй лусал,
Акыр сютэм кулысал.
Кажной нунал со мурт мыным
Кӧт тырымон нянь сётэ,
Озьы ке но, аслыз нош ик
Неномыр но уг куры.
Яратыса ӟыгыртысал
Мон та визьмо, ӟеч муртме:
Ӟыгыртэме уг луы шол, —
Та туж ӟеч мурт мон ачим.
