Пересь пяшкся...
Тяляй нароць,
Тялямс сьорось
Курок эряви
— Молотилкать
Лама пароц
Ловрань пилес
Вайгяль маряви.
Молотилкать
Тяза, тяза...
Цебярь, тячи
Скирдась тяляви...
Эй, Ванюшка!
Тракторсь таза?
Вишкста максомс
Виец эряви...
Кепоць пульсь
Менельти качамкс,
Молотилкась
Сетьмоть лазозя.
Пейю кургонц
Пулфта ярхцамс
Вача ломанькс
Келес панжозе.
Ваня оттнень
Тяйте тюрьфня,
Тракторть мельгя
Лацкас ванода
Кятта—кяц
Комотьфнесть пулфнень
Скарей усфти
Кескафт канеда.
„Кали сембе
Тяляхть марса,
Кали ськамон
Лядонь велети”
Шарыхть дупне
Лаврань пряса,
— Лядоть, юваць
Тракторсь пиленцты.
Изь думсекшне
Лаврась течимс,
Што сокайхне
Марса пуромихть,
Пуворьфу и
Сузу кяцост
Марстонь эряф
Тиймос уромихть.
Кафта недьлят
Валонць пиземсь
Кирнесь наротть,
Начконцть сьоротне
Сянкса тячи
Сембе тяляйхть.
Тяляйхть вишкста,
Шерьхкихть капатне
[ 3 ]
Якай Яшусь
(Предколхозась)
Атя мацикс
Гекай—пеечни.
Тяни сонь
Седиец озась
Тяляма пинксь
Келес келемкшни.
— Кода, Коля,
„КИМ“ бригадась
Мярьгат молись...
Сон инь инголя
Колять инкса
Пшкяць Агась
— Лафту алус
Капать синдемя,
„КИМ“ бригадась,
Яшу батяй.
Комсомолста
Пуроптф, кемокстаф,
— Эх, минь вийнеськ
Лама фатяй!
Шумордазя
Агась кемоста.
Нежець Лаврась
Тинькнень малась,
Палыхть кяжса
Равжа сельмонза.
„Сембонь кяцтон
Колхозсь салась...
Пуроптыенц
Синдемс пильгонза,“
Озась. Арьси
Етась эряфть,
Коцорф ноляйхть
Шура пеенза
Шинять лямбоц...
Люпштась веляфць...
Аф кулихть ни
Вайгяльхть пиленза...
Вов сон ащи
Тингонц ваксса,
Ваны, кода
Тяляхть сьоронзон,
Ваны, штоба
Тяляльхть лацкась,
Афольхть синня
Мяленц, коронзон
Тингонц перьфка
Озсефт капат,
Прясна сатнихть
Менельть зерензон...
Вана, тесса
Вельхтяхть лопазть...
Лаврась сурмась
Сельмя керензон
Ваны, ава
Велеть ширьдя
Пильгонь синдезь
Ласьки перети.
Пачкоць. Лякозь
Пшкяць: „Терди...
Куду... пристфсь...
Пялес иретьф ни“...
„Мон туян, —
Ранкстась Лаврась —
Шумордасасть,
Ворафть понжафнесть.
Юфнень лапазть
Алу марасть,
Тялонди синь
Тейнь кондястихть“.
Мярьксь и тусь...
Тусь и Каврась,
Мирденц мельгя
Моли — кенордай.
„Ох, ох, ох, ох!
Оцта тарватф...
Пинесь — алясь
Тянь аф верондай...“
Пачкоцть. Куца
Учси инжись,
Кияксть ланга
Каньзерфць кямонзон...
„Шумбрат, Лавра!
Тейть мон инжикс...“
Озасть, Ламос
Азонць мялензон.
Шра ланкс
Появасть шеняпт,
Самоварське
Шинтьфонц ноляй ни.
Вилка эземс
Кяцост шявнят
Симихть... “Мярьгат,
“Молят Волянди“...
Вов Володяц,
Варчси шашканц,
Повфтась паготт
Лафту прязонза
Пшкяць: „Аляй,
Мон вдь акшан...
Курок сайхть
Калчакть атрядонза!...“
Тусь... кули:
“Серьгатьк Лаврань“...
“Панчфтость утомть!“
„Яшу марясак?“
„Сон эсь воля
Сьора кармай!...“
“Келептьк куркцень!...“
“Таргасть варяста!...“
Ваны панжозь
Утомть кенькшонц
Марахть сьоронц
Усфс и кескавга...
Седиц марей
Бта кенчса
Нефтихть... сонцень —
Пси урмась калгай...
“Трах!“
И кудонц
Шобдась таваць,
Ляпияфнихть
Ваймонц качамса...
[ 4 ]
Тоса толса
Пидевсь шамац...
Менельть лазонць
Кайги атямась...
Сргозсь...
Шись ни валгонць,
Лядыкс валдонц
Педяй менельгя.
„Трах—трах!
Тракторсь
Сетьмоть калги.
„Ах, ах! паксясь
Кани ся мельдя.
— “КИМ“ бригадась
Васень васца,
Вельф эсь планоц
Сон ни пачфтезя, —
Корхтай Яшусь...
— Мингя сацаськ! —
Омбоцеськя
Валонц азозс.
Кепси, озси
Пульсь тинкть ланга,
Понжафцть роснень;
Гайняй веелкась.
Пяшкоцть розьса
Кемонь крандаст...
“Марстонь утомс, —
Пишкоцть, — веляфцаськ!“...
Йотась пинкнень
Тят мон улельхть, —
Арьси Лаврась
Куду молемста, —
Тяни каршезон
Синь тюрихть...
Шавихть эсон
Комсомолецсна.
Машфтомс тракторть,
Плхтамс переть,
Тяза ляда
Фкявок капаня.
Кемя вийснон
Толса керемс!
Шава кяця
Тя веть кацайня...
|
