Колхозонь эряф/1933/17/А. Я. Дорогойченко
| А. Я. Дорогойченко |
Алексей Яковлевич Дорогойченко ялгась тяниень пиньгонь писатель—прозаик. В К П(Б) нь член 1919 кизоста. Шачсь Оцю Каменка велеса Средне Волжскяй крайса Март ковонь 1-це шиня 1894 кизоня. Сон шачсь ашунь Эрзянь семикаса
Аляц сонь инвалидоль и тянгса сон-велень эряфса афоль работав, станя, кода эраволь работамс, велень хозяйствать эса. Дорогойченкань алянц семикаста тянгса явфтозе и сон эрзянь куроняста тусь эряма рузонь куроняс, коса и сон, русснень йоткса, кассь Аляц изь повонда ревизскяй душсь, тянгса и сонь ашель соньцень мода полац, явфтомстонза аляц макссь эсь вайма поластонза аньцек нилецекс вайма пола, кона модать лацкса и трясть пря и ветезе алашафтома хозяйстваснон. Ашу шиссь вестенгса изень кадонда синь, кода шякса пине, ашу шись ащесь синь куд поракснонь лангса „Тя щирьде монь идень пиньгонь лятьфнемозе пек стака.“ Сьормады эсь колганзо Дорогойченко ялгась.
Рузонь куроняса идтне рахсекшнесть ульцяса Дорогойченко ялгать, теенза мяргондельхть: „Мардвишенок“, „Мордовский лапоть“, „эрзяка“ и лиякс. Куцна синь голь пяшксель ломаньде, конат и раксекшнесть пялес сокор, Дорогойченконь, нефтемав селме тедянц лангс, кда ушоды сон рузкс кохтама: „Мон бта тяни кульсайне, сьормады эсь колганза Дорогойченка ялгась, веселай, куйя шида. алятьнень рахсемаснон, мзярда минь шабрнека, аф оцю, ашу аляня, но пек рахсефтель, дразнеселезе монь тядязень рузкс корхтама аф маштоманц лангс: „Я сидел под окошкой и прядила, а у меня брат больно озорник был; подошбл окошкой — то растопирел. Я на нево глянул как сидел там и упал, Вой, авакай!=киричу!“
Школаса тонафнемста сон пяк келголезе рузонь кяльть, лувондоль лама русскяй классикть и класснай сочиненият сонь лацонза киевок афоль сьормачне.
Двухкласснай школать шумордамонза меле, конань сон щумордазе оцю, Каменкаса, учительницась шавсь пря штоба сон молель тонафнема сяда ичкози. Но ушу шись кемоста кирць сонь эсонза куца. Соньцень тонафнемась вестенга изь потьсе мяльстонза, но сон изезе ноля тонафнема тядяц Тядяц шавсь пря, штоба аляц максолезе, Алешать, Прохоров лавошнекти, али козя алянь пяли работнекокс, штоба аф аннемс сонь стак куца, а тяда башка и максоль неньга „Лезкс“ синь стака, ашу эряФснонды. Тяньгса, аф весть, тядяц паньцезе куцтос учительницать, штоба сон афолезе смутя Алешать сяда ичкози тонафнема „Монь ульсь оцю мялезе тонафнемс, тянгса монь тядязень мархта йотксонок уленьцть оцю спорхт и весть тянгса нятай тядязе монь пяк пиксемань... Учительницась макссь тейнь 10 цалковайхть и мон ворьгодень куцта Теень эста ульсь 141|2 мархта киза. Мон неньга васенда лисень Оцю Каменкаста. Молень васенда кига Самарав, а тоста Волгать эзга, алу ведть Саратовда алу. Ровнай, Немецкяй колонияв, коса ульсь учительскяй семинария. Мон тоста цють изень мрда меки, коста няйни, што 30 вастти мольсь экзаменонь кирдема 250 ломань. Синь ульсть сембе моньдедон сирет, но синь сафтольхть велень начальнай школаста, а мон сафолень двух класснайста. Экзамен эрявсь кирьдемс станя, штоба васенцекс, али омбоцекс, кода аф сявовихт ня вастне то аф максыхть степендия, а илядыхнененьди максолхть пяле стипеньдия, а кой конат йофси тонафнест эсь кожфсост, (средствасост) тя теень тиемс ашоль кода, алязень ширьде лезкс йофси ашель мезе учемс. Тяса монь павазозе’ экзамен кирьдемста мон омбоце вастти и монь прмамазь тонафнема стпеньдия мархта,“
Тонафнемста кига, васеньце курсса, сон ушоць стихонь и прозань сьормадома. Сон лувозе Горькаень сьорматфста, што сон сьорматфонзоц марсысы „нарвама“ кептерняс, а сон ушоць марсемост эсь сьорматфонзон карзинкас ся сонь лаць мяк тячиень шис. Сьорматфонзон сон изля арсекшне максомс печац. Печатса васень произведенияц лиссь, кемонь кизода меле, революциять пиньгста. Учительскяй семинарияса тонафнемста сьормаць азкс „Моя Родина“ кона тусь пек словестникть мяльс. Тя ульсь тяряфкс сьормадомс „Большая Каменкать“ колга.
Сименариять шумордамода меле, конань сон шумордазе 1912 кизоня, ульсь кучф учителькс Сосновая Мази вели (Хвалынскяй уезду Саратовскяй губ) Но тоста фкя ковда меле ульсни паньф лангозонза кучсь донос попсь. Мази велеста Дорогойченкати сась мрдамс меки, коса и учительствовандась кафта пяле мархта кизот, тоста ульсь паньтф церькаву аф якаманкса Тоста тусь сон Москву и экстерном кирьди на атестат зрелости, Тонафнесь Петербургскяй и Московскяй институтса, тяда башка кульхцончнесь лекцият Шанявскяйнь лемса народнай университетса Омбоце курсста сон ульсь мобилизовандаф военнай службав, Служась студентческяй баталионца, ульсь прапорщеконь школаса, но прапорщекокс сон изь лисев, а ульсь нолдаф колежскяй регистраторкс. Февральскяй революциять пиньгста сон ульсь кучф югозападнай фронту, коса работась армейскяй газетаса карректоркс.
Октябрскяй революциять пиньгста вятьсь агитация, штоба шарфтомс ружьятьнень. Сон сась меки Каменкав, коса активнайста ушоць работама советскяй власть организовандама, велеса, волозьва, ульсь кочкаф губернскяй советонь с“ездса губисполкому и ульсь Самарскяй губисполкомонь председателькс. Чехоэсеровскяй переворотть эзда сон повсь тюрьмав, коса и кирьдезь марнек ся пиньгть. Ащесь тюрьмаса: Самараса, Бугурусланца и Уфаса, коста и варгоць 1918 кизоня октябрь ковть 25 шиста. Фронть пачк сась меки Самарав, коса и тусь фронту доброволецекс 1919 кизоня сентябрь ковсто ульсь Кавказскяй фронца политотделонь начальникокс, а тифса середемода меле арась якстерь армейскяй газетав и журналс Редакторкс 1921 кизоня ульсь терьтьф „Правда“ газетав работама.
Дорогойченко ялгать, произведениянза ушоць лисеньдема революцияда меле ноябрь ковста 1917 кизоня „Поволжскяй Правдаса“ лиссть стихонза. [ 3 ]Провинциальнай ошкаса лиссь сборнекоц „Боевые песни красноармейца“, „Радость труда“ „Иная деревня“
Москуса произведениянза ушоцть пяцятлама 1921 кизоня. Листь: стихонь сборник „Земные небеса“ азксонь и повестень “В те дни“ „Кандидаты“ „Степановна“, „Бурьян“, и роматт: „Большая Каменка“ и „Живая жизнь“
Дорогойченко ялгать творческяй динамикац лисеньди ся, што сон сьормады велень беднотать колга, кода, сон, беднотась тюри од эряфть инькса. Сонь лексикац ару велень корхтама: гребтит, несусветный, костерят спроста ли и лият. Сяда ала макстама сонь произведениястанза фкя глава, кона сявф „Большая Каменка“ романцтонза „Сисем грефт пяле мархта“, а сай номерса очерконц „Тядянь седи“.
Дорогойченко ялгась эрьзя, но сонь аш фкявок произведенияц эрзянь кяльса, но эсь произведениянза сьорматфт ламосна эрзянь эряфть колга.