Колхозонь эряф/1934/11-12/Советскай литературать колга/XIX веконь русскай литературась

by авторсь: Максим Горький, мокшекс ётафтозе: Аф содаф (аноним)

 

XIX веконь русскай литературась

Тинь кулесть ся фактть, што XIX столетиять русскай литературать исключительна вельф вии развитияц омбоцеда азозень-хоть и кой-кодама опоздония мархта — Западонь литературать сембе настроениянзон и течениянзон и эсь очередьсонза тиеньдьсь влияние сонь лангозона. Русскай буржуазнай литературати особенностекс можно признандамс ся, што вельф лама эсонза „лишнай ломанень“ типта, конатнень йоткста пяк своеобразнайхть Европати афсодави озарниконь типне, фольклеерса тя — Василий Буслаевсь, историяса — Федор Толстойсь, историяса Михаил Бакунинць и сонь кодямонзотне, а тяда меле литератураса чудаконь и „самодуронь“ бытса „каендай дворянинонь“ типсь.

Кода и Западса, минь литературанеське развивандакшнесь кафта линиява: критическай реализмань линиясь: Фонвизин, Грибоедов, Гоголь и ст. тов Чеховти, Бунинти молемс и чистай мещанскай литературань линиясь: Булгарин, Массальскай, — Зотов, Голицинскай, Вонлярлирскай, Всеволод Крестовскай, Всев, Соловьев, Лейкинти и Аверченкати молемс и синь кодяпне.

Мзярда завоевательть — феодалть мархта рядсь стясь удачливай, козякатф плутсь, минь фольклернеське козяти максозя спутниконьди дурак-Иванть ломанень ироническай тип конац сатни козя ши и нлхтай арси оцязорокс уродливай алашанц вельде, конац полафтозе рыцарскай сказкань добрай волшебницать. Козясь (богачсь) рамсесь героень слава нищай рапненьди милостынень максомать вельде, конань сокор виец лезднесь синь грабамост и завоевательти и козяти.

Церькавсь, конац стреминдась мирендафтомс рабть эсь стака эряфонц мархта и кемокстамс эсь властенц сонь разумонц лангс, ласнезе сонь, тиеньць кротостень, терпениянь геройхть, „Христозть инкса“ мученикт, тиеньдсь „отшельникт“, паньцезень пустыняв, вири, монастыри ся ломатнень, конатнень ашель теенза пользасна.

Ков сяда пяк дробиндавсь командующай классь, тов сяд йомлалгадкшнесть геройхне. Сась момент, мзярда фольклеронь „дуракне“ кармасть аресмя Санчо Пансакс, Симплициссимусокс, Уленшпигелекс, конат арасть феодалда йонюкс, сявсть смелость рахсемс господитнень и, аш месть корхтамска, лезнесть стама настроениянь касомати, конат XIX векть васенце пяльксстонза няфтевсть „табориттнень“ идеяснон эса и рыцарьхнень каршес крестьянскай войнатнень практикаснон эса.

Трудовой народть подлиннай историяц содамс аш кода, кда аф кармат содамонза устнай народнай творчествать, конац апак лотксек и определенно макссесь влияние стама вельф оцю произведениятнень шачемаснонды книжнай литератураса, кода, кепотьксоньди, „фауст“, „Приключения барона Мюнхгаузена“, „Пантагрюэль и Гаргантюа“, „Тиль Уленшпигель“ де—Костерть, „Освобожденный Прометей“ Шели и ниньге лама лияда. Глубокай древностть эзда сявомок фольклорсь апак потнек и своеобразнайста моли историять мархта (сопутствондай историяти). Сонь сонцень мяленза XI Людовикть, Иван Грознайти деятельносьтьснон колга, и ня мяльхне резкайста аяркшнихть историянь оценькатьнень эзда, конатнень сьормадозь специалистт кона специалисттне аф пяк интересовандасть сянь колга, вопрозть мархта мезе именна канесь трудовой народть эряфозонза монархнень, феодалхнень мархта тюремасна. Модамарень культурать грубо насильственнай „пропогандац“ тиеньди аф кржа легендада и поверияда сянь колга, што модамарьсь шачсь дьяволть распутнай стирь мархта совокуплениянц вельде, тя древняй варварствать шири уклон, кона освещеннай церковнаи идеянь глупосьтьтнень эса: „Христозсь и святойхне ашесть ярхцсе модамарьде“. Но сяка-жа фольклорсь минь шинькень пинкста Владимир Ленинонь касфтозе древностень мифическай героень серес, конац Прометееньди ровнай.

Мифсь — тя вымысел. Думандамс — значит таргамс реальнай даннайть сумманц эзда сонь основной смысланц и тиемс (воплотить) образокс тяфа минь получандамя реализм. Но кда реальнай даннайтть эзда смыслань извлечениятненьди прибавамс — домыслить гипотезань логикать вельде желаемайть, возможнайть и тянь мархта ниньге пяшькодемс образсь, получасаськ ся романтизмать, конац ащи мифть основасонза и пяк полезнай сянь мархта, што лезды действительностти революционнай отнашениять срхкафтоманцты, стама отношенияти, кона практическайста полафты мирть эса.

Буржуазнай обществась, кода минь няйсаськ, совершенно юмафтозя вымыслань спосбностенц искусстваса. Гипотезань логикась илядсь и возбудительнайста действондай аньцек наукатнень эса, конат основайхть эксперимент (опыт) лангса. Индивидуализмань буржуазнай романтизмась эсь склонностенц мархта, фанатикати и мистикати аф срхкафни воображение, аф изощряндай мыслять эса. Сязьф, отвлечннай действительностть эзда сон строяви аф образть убедительностенц коряс, а пцтай исключительна „валть магиянц“ коряс, кода минь тянь няйсаськ Марсель Прусть и сонь последователензон эзда. Буржуазиянь романтикне, Новаллисонь эзда сявомок, нят ломаттне Петр Шлемилень типть кодяпт „стама ломань“ конац юмафтозе эсь сильфонц, а Шлемильсь шачфтозе Шамисонь, французскай эмигрантть, кона сьормадсь Германияса немецекс. Тяниень пингонь Западстонь литераторсь станя-жа юмафтозе эсь сильфонц, кона эмигрировандась действительностть эзда отчаниянь нигилизмати, кода тя няеви Луи Селинть „Путешествие в край ночи“ книганц эзда; тя книгать героец, Бардомось, юмафтозе шачема вастонц, аф кельксыня ломанттень, эсь тярянцты мярьги „сука“, кельгемя аванзонды — „стерват“, равнодушнайста ваны сембе преступлениятнень лангс. И аш революционнай даннаензон сатомшка, кенерьсь фашизмань примамати.

Муф Тургенефнь влиянияц Скандинавскай полуостровонь литераторхнень лангс, признандаф Лев Толстоень лангса влиянияц граф Поленть, Рене Базенть, Эстоньеть, Т. Гардить, сонь романцонза — „Тесс“ и Европань лама лия писатель лангс. И сембеда пяк вишкста ульсь и тяниге ули Достоевскаень влиянияц, конань признаннай Ницше мархта, конань идеянза арасть основаниякс изуверскай проповедьти и фашизмань практикати. Достоевскаеньди ащи ломанень славась, кона эсь героенц мархта „Записки из подполья“ книгасонза исключительна яркайста и пяк цебярьста живописнай валса макссь эгоцентристонь—тип, социальнай дегенератонь тип Аф топафтови мстителень торжества мархта эсь афцебярензон и страданиянзон инкса, эсь од шинь увлечениянзон инкса Достоевскай эсь героень фигуранц мархта няфтезе, кодама подлай пяшкодемас может арамс эряфть эзда сязьсфь XIX—XX веконь од ломаттнень индивидуалистсь. Сонь тя ломанец кирьди эсь эсонза Фридрих Ницшень, и маркиз Дез Эссенть характернай чертаснон, — Гюисмансонь „Наоборот“ романоц эзда геройть, „ученика“ Бурже и Борис Савенковть, авторонц и героенц сонь сочинениястонза, Оскара Уайльда и „Санин“ Арцыбашевть и ниньге лама социальнай выражденецнень, конат тийфт капитаоистическай государствать бесчеловечна условиятнень анархическай влиянияснон мархта.

Фигнер Вера Николаевнать азксонц коряс, Савинковсь корхнесь совершенно стане, кода декадентне:

„Мораль — аш, ули аньцек красота. А красотась — личностень свободнай развитие, шьоряфксфтома келемома—касома сембеньди сяньди, мезепутф сонь ваймозонза“.