| Сальери
|
Сембе кортайхть: правда модать лангса
Аш. Но правда аш и сяда вяря. Тянь
Содаса мон кода простой гаммать.
Шачень мои искусствать кельгозь. Ненгя идькс,
Мзярда кайгсь органць минь сире церькавсонк,
Мон кулиенчнень и юкснине эсьпрязень —
И шудесть, шудесть таньцти сельме ведьне...
Мон рана ёрдань тевфтемя забаватьнень
Нильгедьфтемазь музыкати чуждай
Наукатне; упрямста, аф ужяльдезь
Синь эздост аердонь и максыне
Аньцек музыкати прязень. Стака
Васень аськолкссь, мольфти мяльцень васень кись.
Сяськиня мон сталмотнень и ремеслать
Арафтыне куцемакс искусствати;
Мон тиевонь ремесленникокс: сурненди
Максонь кулценды и коськя ласькондьф,
Пилененьди — аф васькафни маряма.
Кулофтыне вайгялькснень, и музыкать
Ловажакс ни паньжень потмонц. Содайне
Алгебраса мон гармоньять. — Эста
Варжайня мон, наукаса шарьхкодезь,
Максомс прязень творческяй мечтаненьди.
Сёрмадома ушедонь, но салава,
Но апак каштордт, — славать квалмова
Ашень сменда мызярс ненгя арьсемска.
Аф весть мон колма, ниле шит эсь шава
Кудсон ащекшнезь и юкснень удомать,
И ярцамать: мон вдохновеньянь кенярьфть
И сельме ведень таньфнень марямок,
Плхнень трудозень — и ванонь кельмоста,
Кода эсь мартон шачф мяльсь и вайгяльксне,
Юрфса палозь, машнесть тёждя качамса.
Мезь мон кортан? Мзярда великай Глюк
Сась и панчсь миньдеенек од тайнат,
(Пяк крка и ёнень сяськи тайнат),
Ашине ли ёрда сембень, мезь мон
Содцень инголи и мезьти сяшкава
Псиста верондань, и ашень ту ли
Яряста сонь мельганза мянь валнянь
Апак азт, сянь лаца, кие ярьгодьчнесь
И аф ся пяли кучфоль васьфтить марта?
Оцю вийса, лама эрьгя лихтезь
Мекпяли мон пефтемя искусстваса
Сатонь вярьдя куцеманя. Славась
Теень мзылгодсь. И ломань седиста
Муйне мон созданьяненьди кайгомать.
Мон улень павазу: монь мялезень
Топафтсь трудозе, эсь сатфксоне и славазе,
А тяфтаня и трудсна, сатфкссна
Ялганеньгя пяк цебярь искусстваса
Сельмонь каяйкс мзярдонга мон ашелень,
О, мзярдонга! — Нлта Пиччини
Мзярда машнесь дикай парижантнень
Фатнемс плену кулемаснон, н“лта
Мзярда васеньцеда маряйне
Ифигениянь мон васень вайгялькснень.
Кие мярьги: прянь няи Сальери
Улендьсь сельмень кайси ниже, туткодькс *[1]
[ 26 ]
И пильгалу живста тапаф куй —
Вийфтемя — шуваронь, пулень ниленьди!
Кивек аф!.. А тяни... тяни азса монць:
Тяни кайсян сельме. Сярядиста
Кайсян сельме. — О менель! коса правдась,
Кда священнай дарсь, и кда мзярдонга
Аф кулси генийсь — вестенгя аф эряй
Юрнай кельгомати казьнекс, казьнекс
Виде ваймеса работати, — тянь вастс
Сон валдопнесы ёньфтемоть, стак ащезь
Пингонь ётафни гулякать шава прянц?..
О, Моцарт! Моцарт!
|
| (Сувай Моцарт)
|
| Моцарт
|
Аха, тон няемайть!
А ёрайтень мон угастиндамда
Апак учсек шутканяса.
|
| Сальери
|
|
|
| Моцарт
А вов аньцек сувань.
|
Мон молень теть кой-мезень няфтемя;
Но трактирнять вакска ётазь марянь
Карьзи вайгяль... Аф, Сальери ялгай!
Тон ёт шачеть ненгя ашеть куленьдя
Сяда рахафты... Трактирса сокор
Атя морась карьзиса voi che sapete *[2]
Чуда! Ашень кирде, вятине сонь се
Штоб угастиндамс тонь искусстванц марта.
Сувак!
|
| (Сувай сокор атя карьзи марта)
|
Тейнек мезь-мезь Моцартть эзда!
|
(Атясь морай ария Дон-Жуанста; Мо-
царт рахай).
|
| Сальери
|
|
|
| Моцарт.
|
Ах, Сальери!
Тьряй тонць аф рахат?
|
| Сальери.
|
Аф, аф рахан,
Мзярда козонга аф коньдясти молярсь
Ваденчнесы Рафаэльть мадоннанц,
А рахан, мзярда нулгодьксу фиглярсь
Альгьеригь честенц рахсесы пародьяса.
Ворьть тяста, атя!
|
| Моцарт
|
Норавак: на теть,
Арта симкя шумбра шизень инкса,
|
| (Атясь туй)
|
Тонь, Сальери, тячи колаф мяльце.
Саян теть мон иля пингста.
|
| Сальери.
|
| Мезе туть?
|
| Моцарт
|
Аш мезевек пцтай. Монь етай веть
Удомазе ламос ашезь сашенда
И прязон яцесть кафта, колма мяльнят.
Тячи мон синь сермадыне. Ерань
Кулемс квалмаст валцень, аньцек тяни
Кулценчнемс ли теть.
|
| Сальери
|
Ах, Моцарт, Моцарт!
Мзярда тонь мон ашень кулценчне?
Кулцендан мон.
|
| Моцарт. (Фортепианать ваксса).
|
Няйхть эсь мяльсот... кинь ба?
Ну, хоть монцень — аньцек сяда одста;
Кельгикс, кельгикс, но аф пяк, афламняда...
И красотка марта, али ялгань — тоньцень хоть —
Мон весялан... вдруг: тихтедьсть лазкст, да лазкст,
И тиевсь шобда, али мезь-мезь тянь лаца...
Ну маряк.
|
| (морай)
|
| Сальери
|
Тон теень сать тянь марта
И лоткавоть трактирнять ваксс, штоб кулемс
Кода морай карьзиса ся сокорсь! —
О шкай! Тон, Моцарт, аф тисак эсь пряцень,
|
| Моцарт
|
| [ 27 ]
|
| Сальери
|
Конашка крхкалмось.
Смелостсь кодама и стройностсь кодама!
Тон, Моцарт, шкаят, аньцек тянь аф содасак;
Мон содца, мон.
|
| Моцарт
|
Ба! афкукс? Может станя...
Аньцек божествазень вачсь ни пекец.
|
| Сальери
|
Кулцентт, Моцарт, мольхтяма обедама
Золод Лев трактиру.
|
| Моцарт
|
Радан, мескода.
Но ожу молян куду авазьти,
Азса, штоба афолемань учся
Монь обедама.
|
| (Туй)
|
| Сальери
|
Учтя мон; аньцек сак
Противондама сяда пяк аф маштан
Мон эсь судьбазьти: сянкса мон кучфан,
Штоб лоткафтомс Моцарть — аль минь имамя,
Минь сембе, жрецне, музыкать служаенза,
Аф аньцек мон эсь славанязень марта...
Мезь пользась, кда Моцарт ули шиса
И сяда вяри кепедьсы эсь прянц?
Кепедьсы ли тянь марта искусствать? Аф!
Сон меки прай, имаза аньцек Моцарт:
Наследниконц сон теенек аф кады
Мезь пользась эсонза? Сон херувимкс
Сермадсь кой мзяра тейнек раень мор,
Штоб эсонок минь, прахть чаданзон эса,
Смутендамс тя пацяфтома ёрамать,
И лиезь тумс! Так тук ина тон, тук!
Сяда курок, ули сяда цебярь!
Вов и ядсь, Изоразень монь казьнец.
Кемгафтува ни кизот фкакс мон канеса
Сонь эсь мартон — эстоньберя теень
Сединь кольфти ранакс тиевсь эряфсь.
Сидеста мон ащень шра ваксса
Тев аф содай эсь врагозень марта,
И мзярдонга монь искушеньять тошкамац
Ашезь фатне ширезонза, хоть и
Мон аф пелян, обжаматькя хоти
Маряса кркаста, эряматьке хоть
Аф пяк келькса. Мон учень коль, коль учень.
Кода муцьсень мес пяк ерань куломс;
Мезе парось куломаса? Арсень мон,
Пади эряфсь теень ненгя канды
Мзярда-мзярда апак учсек казьненц!
Пади ненгя сай теень и кенярьдьфсь,
И творчествань илядьсь, и вдохновеньясь;
Пади тии од Гайденць пяк оцю,
Оцю тев — и топодян мон эздонза...
Коста пировандань инжить марта,
Конань сельмосонга пчкялькс дялинь няй,
Пади арьсень, муян кяжи врагозень;
Пади лангозон прай вярьдя, велькстон
Кяжи обжамазе — эста, эста
Аф имат тон, аф, Изорать казьнец.
Правдась монь! Вдь муйне мекпяли
Мон эсь врагозень, и монь од Гайденць
Кенярьдемада пяк лац ни симдемань!
Тяни — пинге! Кельгомань заветнай
Казьнесь, тячи ётак дружбань шавати.
|
- ↑ * Ниже и туткодькс — презреннай, отвратительнай ломань
- ↑ * Тинь, конат содасть (ариять ущедома валонза.)
|
