Колхозонь эряф/1938/11-12/Минь времаньконь великай летчикоц
| Минь времаньконь великай летчикоц |
Апак учсек смертсь нельгозе советскяй летчикнень рядснон йоткста Советскяй Союзонь геройть Валерий Павлович Чкаловть, выдающай пилотть, воздушнай пространствань бесстрашнай покорительть, од трассань пионерть, мировой классонь мастерть, замечательнай ломанть и гражданинть.
Эряфонь оцю ки йотась Валерий Чкаловсь, Горьковскяй областень, Васильево Слобода велеста котельщиконь цьорась. Самостоятельнай эряфонц Валерийсь ушедозе рана, подросткакс нинге сон работась судовой кочегаркс землечерпалкаса и пассажирскяй пароходса, масленщикокс катерса.
Мольсь суровай 1919-це кизось. Сембе ширде блокадань кшнинь кольцась люпшнезе од советскяй республикать. Народть лучшай цьоранза тушендсть гражданскяй войнать фронтонзонды великай Октябрть победанзон аралама, од, лучшай и счастливай эряфть инкса тюрема. И эста жа юнай 15 кизоса Чкалов сувась доброволецокс Рабоче-Крестьянскяй Краснай Армиять рядонзонды. Канавинаса нилеце авиопаркса Чкаловсь получазе васенце авиационнай специальностть — самолетонь петнемаса мастеронь. Ня кизотнень пингста сонь сембе думонзон фатязень мечтась тонадомс лиендеме, арамс пилотокс. Курок юношать тя мечтац йотаф товсь эряфс. Авиапарконь командованиясь, няемок Чкалов ялгать цебярь работанц, решил кучемс сонь тонафнема. 1921-це кизонь августста сон ульсь примаф летчиконь Егорьевскяй школав, а аф ламода кафта кизода меле самостоятельна ни управлял самолетть мархта.
Егорьевскяй школать аделамда меле Чкалов ялгась ульсь зачисленай 1923-це кизоня истребителень класс коря высшай пилотажень Московскяй школав. Аделамок сонь, сон йотась РККА-ть военно воздушнай вийнзонды и работась военнай летчикокс 1924-це кизоста ушедомок 1932-це кизоти самс.
Бесстрашнай летчикть ускозе эстиенза эрь од машинась. Безграничнай мужествась, конац множеннай техникати кельгомаса, определиндазе Чкаловть ингольпяльдень кинц: йотамок РККА-ть военно-воздушнай виензон научно-испытательнай институтозонза, сон арась летчикокс-испытателькс. Тяда поздна сон ушедсь работама Менжинскийть лемса заводса. Валерий Павлович тонадсь и лиеньфтсь разнай конструкцияса кемотть машинат.
Сонцень испытательнай лиендеманзон пингста Чкалов ялгась вестевок ашезь пользованда парашютса. Сонь сонцень валонзон коряс, сон „кельгозень синь, но обходился синьфтемост“. Майть 2-це шистонза 1935 кизоня Фрунзеть лемса центральнай аэродромса оборонань Наркомсь К. Е. Ворошилов ялгась представил бесстрашнай пилотть Сталин ялгати. Кизефнемок летчикть эсь работанц колга, внимательнайста кулхцондомок сонь ответонзон, Сталин ялгась кизефтезе, мес Чкалов аф пользовандай парашютса, а старандай ванфтомс машинать. Валерий Павлович отвечась, што сон лиенди опытнай, пяк питни машинаса, [ 30 ]конатнень юмафтомасна ужяль. Именна сяс сон старандай ванфтомс машинать, а марса ни сонь мархтонза и эсь прянц.
— Тонь эряфце, — мярьгсь летчикти Сталин ялгась, — любовай машинать коряс сяда питни. Эряви обязательна пользовандамс парашютса, кда ули тянь эса нужда.
Аф лама шида меле — майть 5-це шистонза 1935-це кизоня — правительствась казезе Чкаловть Ленинонь орденца од конструкцияса самолеттнень испытанияснон пингста аф весть няфтьф исключительнай смелостть и мужествать инкса.
Нят шитнень Валерий Павловичсь сидеста лятфнезе, кода зсь эряфонц эзда фкя инь самай замечательнайть. Сон синь колгаст корхтась:
„Лама пинкт улень мон сталияскяй валхнень впечатленияснон ала, конатнень яснай вийсна поразили монь. Летчикть эряфоц машинада питни!
Великай вождть мархта васьфтемда меле монь эряфозень содержанияц сяда козякодсь; мон ушедонь лиендеме сяда дисциплинированнайста, чем лиендень тяда инголе; монь эзон, няевсь, сувасть од оцю вийхть минь прекраснай родинаньконди служамать инкса. Сталин ялгать мархта монь васьфтемазти результатокс и арась минь — Байдуковть, Беляковть и монь — перелетоньке Москуста — Удд островти“.
Целай киза тя памятнай васьфтемда меле Чкалов упорнайста работась од самолеттнень испытанияса, попутна аноклась ичкози васту апак валгонтт перелетти. Сон и сонь ялганза мечтали тиеме гигантскяй прыжок Севернай полюсть велькска Москуста Америкать Соединеннай Штатонзонды. 1936-це кизонь июнть васень шинзон эзда славнай экипажсь беседовандась Сталин ялгать мархта, азондозе тейнза лиемань сембе планть, получась подробнай и точнай указаният коза лиемс.
Летчикнень просьбаснонды разрешить тейст лиемс Севернай полюсти отвечамста Сталин ялгась мярьгсь:
— Местеме лиемс обязательна Севернай полюсти? Летчикненди сембе няеви аф пелькс — рисковандама тонадсть. Мес рисковандамс надобностьфтема?...
Сталин ялгась азондозе эста летчикненди, што Севернай полюсть маласа лиендемань условиятне аф пяк изученайхть, што синь эрявихть цебярьста и подробнайста изучить и лиемс ни наверняка. Сталин ялгась сонць няфтсь лиеманди маршрут героическяй экипажти: Москва — Петропавловск — на-Камчатке.
Сембе странать памятьса Чкаловть, Байдуковть и Беляковть тя замечательнай перелетсна сталинскяй маршрутть эзга Москва — Баренцево море — Земля Франца Иосифа — Мыс Челюскин — Петропавловск—на-Камчатке. Лиемань 56 частта 20 минутта меле, конань сембода оцю пяльксоц ульсь йотаф сложнейшай метеорологическяй обстановкаса, якстерь паця самолетсь тись блестящай посадка Амурть ваксса Николаевскяйть ваксс, оцю Удд островть лангс, конац тяни каннесы Чкаловть лемонц.
Советскяй народсь восторженнайста приветствовандазень сталинскяй гордай соколхнень блестящай победаснон. Арктикань пяк труднай условияса Крайняй Северть апак изучандак райононзон эзга тя ичкози васту апак валгонтт лиемать тиеманц инкса правительствась присвоил самолетонь командирти Валерий Павлович Чкаловти и сонь отважнай спутниконзонды Байдуков и Беляков ялгатненди Советскяй Союзонь Геройнь звания, казезень синь Ленинонь орденца.
Валерий Павлович Чкаловсь сембе пингть активна участвовандась политическяй эряфса. 1936-це кизонь декабрьста ВКП (б)-нь ЦК-ть решениянц коряс сон ульсь примаф Ленинть—Сталинть великай партиянц рядонзонды. Тя шиста ушедомок летчиксь-коммунистсь Чкалов нинге сядонга оцю настойчивостьса кярьмодсь од сложнай и ответственнай задачань пяшкотькшнеме, конат ащесть социализмань странать авиациянц инголе.
Чкалов эсь ялганзон мархта марса мечтал тиемс Москуста Севернай полюсть вельф Американь Соединеннай Штаттненди апаквалгонтт лиема, тейнза аноклась тщательнайста и серьезнайста. Тага, кода и ингольдень лиемдонза инголе, Чкалов ялгать примазе Сталин ялгась. Сталин и Молотов ялгатне подробнайста интересовались [ 31 ]материальнай частьтнень мархта, кизефнезь мельчайшай детальхнень колга, конатнень эзда зависил лиемать успехоц.
Валерий Павлович аф весть лятфнезе, кодама глубокай волнения тиендсь тейнза ломанть колга сталинскяй заботась. И тянинге экипажень командирсь кулезень Сталин ялгать напутственнай валонзон:
— Опасностень васень угрозать пингстакиге лоткафтомс лиемать.
1937-це кизонь июнть 18-це шистонза шовдава фкя моторса самолетсь, сонцень фюзеляженц лангса кандомок гордай надпись „Сталинскяй маршрут“, стартовандась и сявсь курс север шири.
Тя лиемать мархта сталинскяй авиациять победанзон историяс ульсь сьорматф славнай страница. Советскяй летчикне тисть од воздушнай трасса Европаста Американь Соединеннай Штаттненди Севернай полюсть вельф. Марнек передовой, прогрессивнай человечествась восторженнайста васьфтезе тя — советскяй летчикнень-геройхнень победаснон.
Бесстрашнай и скромнай Валерий Павлович Чкалов ульсь анок од дерзаниятненди сонцень великай родинанц славас, аноклакшнесь пря од ичкози васту лиемас. Замечательнай ломанць, советскяй народть достойнай цьорац, сон пользовандась трудящайхнень ширде пяк кельгомаса. Кизода тяда инголе Национальностень Совету кочкамань Горьковскяй избирательнай округонь избирательхне кочказь Чкалов ялгать СССР-нь Верховнай Совету эстейст депутатокс.
Марнек сонцень неисякаемай творческяй виензон, опытонц и знаниянц, марнек сонцень энергиянц Валерий Павлович максозень родинанцты беззаветнай служениянди, апак лотксек кемокстась могучай авиационнай державань якстерь воздушнай флотть.
Советскяй авиациясь юмафтозе эсь кельгома пилотонзон эзда фкять, но Валерий Павлович Чкаловонь куломац аф лафчептсы авиациять несокрушимай вийнц. Герой-летчикть полафтома сайхть сядот и тьожятть минь странаньконь од ломаненза, конат, молемок Валерий Чкаловонь славнай традициява, кармайхть кемокстамонза советскяй авиациять.
(ТАСС).