Колхозонь эряф/1940/03/Ворошилов ялгати
Моску, Кремль
| Ворошилов ялгати |
Кельгома Климент Ефремович! Мордовскяй АССР-нь народсь тячи праздновасы Мордовскяй Автономнай Советскяй Социалистическяй Республикать образовандама шистонза сявомок вете кизонь топодемать и Мордовскяй Автономнай областть организовандама шистонза сявомок кемонь кизонь топодемать.
Мордовскяй АССР-ть юбилейнц праздновамац сашендови фкя пингть замечательнай шить мархта — непобедимай Рабоче-Крестьянскяй Якстерь Армиять XXII годовщинанц мархта.
Тя радостнай шить эзда Советскяй Союзонь первай маршалти, доблестнай полководецти, гениальнай Сталинть боевой соратниконцты МАССР-нь Верховнай Советть юбилейнай Сессияц сембе мордовскяй народть лемста кучи пламеннай большевистскяй привет.
Вете кизонь юбилейть праздновама шистонза минь сельмингольнок арсихть героическяй Якстерь Армиять славнай победанза, конатнень сон сатозень большевиконь партиять и сонь гениальнай вожденц Сталин ялгать руководстваснон ала. Минь родной могучай Якстерь Армияньке и Военно-Морской Флотоньке, конатнень боевой вийснон кемокстаманцты Тон, Климент Ефремович, макссесайть пролетарскяй полководецонь сембе эсь вийхнень и талантцень, аф весть няфтезь марнек мирти синцень сокрушительнай вийснон, боевой выучкаснон и беззаветнай преданностьснон родинати и Ленинонь—Сталинонь великай тевснонды.
Хасан эрьхкть видеса и Халхин-Гол ляйть районца японскяй захватчикнень каршес вии схваткатнень эса, Западнай Украинать и Западнай Белоруссиять освобожденияснон инкса бойхнень эса, финскяй белогвардейщинать каршес битватнень эса Якстерь Армиясь вельхтязе эсь прянц неувядаемай славаса.
Мордовскяй народсь, кода Советскяй Союзонь и сембе нароттне, кулендьсыне-сотцесыне социализмань странать эсь доблестнай воинонзон славнай героическяй тевснон великай гордостень и кельгомань чувстваса. Тонь валхне, Климент Ефремович, сянь колга, што „тейнек сяда сподручна и тёждя тапамс врагсь сонцень жа территориясонза“, минь няйсаськ, тевса лиссть якстерь воиттнень героическяй тюремасост [ 17 ]примерснон коряс маннергеймовскяй белай бандатнень эзда финскяй народть освобождениянц инкса тюремаса.
Героическяй эсь Якстерь Армияньконь — освободительница армиять лангс опорань тиезь, минь Мордовскяй республиканьконь народоц, кядень пецек Советскяй Союзонь нароттнень мархта, спокойна и уверенна стаки строяй павазу, культурнай и зажиточнай эряф. И кда эрявксты, то эсь вийсонза кармай араламост мирса васенце Советскяй государствать границанзон неприкосновенностьснон.
Молемок Тонь указаниятнень коряс сянь колга, што „упорна работамс, лама и добросовестна трудендамс, сатнемс од достиженият и победат“, надияфнетядязь Тонь, Ворошилов ялгась, што Мордовскяй АССР-нь рабочайхне, колхозникне и советскяй интеллигенциясь апак лотксек сембе вийнь путозь сяда товонга кармайхть кемокснемонза минь славнай Якстерь Армияньконь боевой вийнц.
Карматама эрь частть и эрь минутать использовандакшнемонза минь доблестнай Якстерь Армияньконь и Военно-Морской Флотоньконь боевой мощснон сяда тов кемокстаманцты.
Шумбра улеза минь прекраснай родинаньке — Советскяй Социалистическяй Республикань Союзсь!
Шумбра улеза СССР-нь нароттнень великай дружбасна!
Слава красноармеецненди, командирхненди, комиссархненди и политработникненди, конат геройски тюрихть финскяй народть освобождениянь тевонц инкса!
Шумбра улеза Всесоюзнай Коммунистическяй (большевиконь) партиясь!
Шумбра улеза минь великай Сталиноньке!
Шумбра улеза доблестнай полководецсь Ворошилов ялгась!