Колхозонь эряф/1940/03/Сталин ялгати
Моску, Кремль
| Сталин ялгати |
Кельгома Иосиф Виссарионович!
Мордовскяй Автономнай Советскяй Социалистическяй Республикать вете кизонь топодема шистонза Мордовскяй АССР-нь Верховнай Советть юбилейнай Сессияц мордовскяй сембе народть лемста кучси Тейть, Ленинонь тевонц сяда тов великай вятиенцты минь вожденьконди, учителеньконди и другоньконди пламеннай большевистскяй привет.
Минь странасонк ётафтф эряфс человечествать инь ёню ломанензон мечтасна — основнойста строяф коммунизмать васенце фазац — социализмась. Социализмать великай победац законодательна кемокстаф Сталинскяй Конституцияса.
Цебярь и радостна эрямс Сталинскяй Конституциять шивалдонц ала!
Тянь пяк цебярьста марясазь Мордовиянь трудящайхне, сяс мес мордовскяй народсь оцязоронь пингть ульсь бесправнай и кафтонь крда угнетеннай народкс. Тяни, Октябрьскяй революцияда меле, ленинско-сталинскяй национальнай политикать эряфс ётафтоманц вельде, Советскяй Мордовиянь трудящайхне, получамок государственнай сушествования, Ленинонь—Сталинонь партияснон руководстванц и Тонь, Сталин ялгась, эрь шинь лездомацень вельде, маштсть кеподемс социалистическяй стройть цветущай вершинанзонды, ули синцень Конституциясна — Сталинскяй Конституциять детищац. Оцязоронь пингть мордовскяй народсь кодамовок государственностень колга не мог арьсемска. Царизмась толса и мечса машфнезе национальнай всякай инь аф оцю самосознаниять. „Мордва“ валсь ульсь сюцемань обиднай валкс.
Мордовскяй народть аф кирдемшка стака, шобда эряфоц юмась прокс.
Свободнай творческяй трудса, Сталинскяй Конституциять шивалдонц ала, Ленинонь—Сталинонь партияснон перьф сплоченнайста, мордовскяй народсь сатсь оцю сатфкст республикать хозяйственнай и культурнай эряфсонза и советскяй сембе народть мархта марса увереннайста моли коммунизмать победанцты.
Революцияда ингольдень Мордовияса ашель промышленность. [ 12 ]Тяни, сталинскяй пятилеткань кизотнень пингста, тифт промышленнай 49 од предприятия.
Минь социалистическяй промышленностеньконь касоманц мархта марса касыхть и передовой рабочайнь, стахановецонь, трудонь социалистическяй методонь новаторонь од кадраньке.
Велень хозяйстваса, народонь вракнень каршес вии и беспощаднай тюремаса, Ленинонь—Сталинонь великай партияснон руководстванц ала и лична Тонь, родной Сталин ялгась, руководствацень ала окончательна кемокстась колхознай стройсь.
Колхознай паксятнень лангса, шуфтонь сокатнень вастс, работайхть 2.911 трактор. Республикаса лувондови 702 комбайна, 819 автомашина, 724 сложнай молотилка и велень хозяйствань тёжятть лия машинат и орудият.
Советскяй властень кизотнень пингста велень хозяйстваса кассть замечательнай ломатть, эсь тевонь мастерхт — трактористт, комбайнерхт, агронопт, бригадирхт и велень хозяйствань лама лия передовикт.
Нят велень хозяйстваса од ломатть, конат шачсть велеса коренной экономическяй и социальнай изменениятнень вельде и конат кассть Ленинонь—Сталинонь партиясвон руководстванц и непосредственна Тонь, дорогой Иосиф Виссарионович, лездомацень вельде.
Революцияда ингольдень Мордовияса ульсть аньцек начальнай школат, ашель фкявок ВУЗ и техникум, ашель мордовскяй национальнай печать. Мордовскяй населениять 90 процентоц, ульсь аф грамотнай, но сянкса ульсть сядот монастырьхть, церькафт и мечетть.
Ленинско-сталинскяй национальнай политикать эряфс ётафтоманц вельде, сталинскяй пятилеткатнень победаснон вельде келиста вишкомсь культурнай строительствась.
Тяниень пингть Мордовияса улихть 3 вуст, 19 техникум, 1.283 начальнай, неполнай средняй и средняй школа, конатнень эса тонафнихть трудящайнь 207,3 тёжянь идь. Нолявихть 5 журналхт, 6 республиканскяй и 30 районнай газета.
Марксонь—Энгельсонь—Ленинонь—Сталинонь гениальнай трудснон, „ВКП(б)-ть историянц Краткай курсонц“ тонафнесазь Мордовиянь кемотть тёжятть трудящай.
Сембе ня успехне ёфси полафтозь трудящайнь кели массатнень материальнай положенияснон. Навсегда машфтф безработицась, нищетась, вачашись и бескультурьясь. Ошнень и велетнень эса, социалистическяй фабрикатнень и завоттнень эса, колхоснень эса — сембе вастова „эрямс арась сяда цебярь, эрямс арась сяда весяла“. Социализмать ня победанза нинге сяда пяк сплотили Ленинонь—Сталинонь партияснон перьф Мордовиянь рабочайхнень, крестьяттнень и интеллигенциять.
Мордовскяй народсь максси вал тейть, родной Иосиф Виссарионович, што сяда тов саттама нинге сяда оцю победат социалистическяй строительствань сембе участкатнень эса.
[ 13 ]Мяляфтомок Тонь, Сталин ялгась, указзниятнень капиталистическяй окружениять колга, мордовскяй народсь, кода и сембе советскяй народсь, кемокснемок СССР-ть обороноспособностенц, фалу ульсь и ляткшни мобилизационнай готовностьса и любой минутаста анок молемс эсь прекраснай, панжи родинанц аралама капиталистическяй нападениять эзда. Минь карматама эрь шиня касфнемонза революционнай бдительностть и беспощадна машфнемост враждебнай охвостьять лятксонзон — иностраннай разведкатнень троцкистско-бухаринскяй и буржуазно-националистическяй агентснон.
Минь нинге сяда пяк карматама кемокснемонза нароттнень дружбаснон, мяляфтомок, што „мзярс ули тя дружбась, минь странаньконь народонза кармайхть улема свободнайхть и непобедимайхть“.
Марнек большевистскяй энергияса и самоотверженностьса минь нинге сяда вииста и келиста вишкоптьсаськ социалистическяй соревнованиять и стахановскяй движениять Колмоце Пятилеткань грандиознай задачатнень пяшкодемаснон инкса, партиять XVIII с‘ездсонза Тонь историческяй указаниятнень пяшкодемаснон инкса.
Шумбра улеза многомиллионнай Советскяй Союзть народонзон великай сталинскяй дружбасна!
Шумбра улеза Ленинонь—Сталинонь великай партиясна, социализмать победанзон вождьсна и организаторсна!
Шумбра улеза Сталинскяй Конституциясь и сонь творецоц великай вождсь, учительсь и другсь родной Сталинць!