Колхозонь эряф/1941/02/А. А. Жданов
[ 11 ]
| А. А. ЖДАНОВ |
| (Шачема шистонза сявомок 45 кизонц топодеманцты) |
Андрей Александрович Жданов — Политбюроть членоц и ВКП(б)-нь ЦК-ть секретарец, ВКП(б)-нь Ленинградскяй областной и городской комитетть секретарец, РСФСР-нь Верховнай Советть председателец — шачсь 1896 кизоня Мариуполь ошса, ингольдень Екатеринославскяй губерняса, народнай училищань инспекторонь семьяса. Революционнай движенияса Жданов ялгась кармась участвондама нинге одкс пинкстонзокиге. 1912 кизоста сявомок сон работай учащай од ломанень марксистскяй кружокнень эса Тверь ошса. Большевистскяй партияв сувась 1915 кизоня, васенда работась пропагандистокс, а сяльде, 1916 кизонь мартста, ульсь сувафтф РСДРП(б)-нь Тверской комитетть составс.
1916 кизоня Жданов ялгась сявфоль военнай службав и 1917 кизонь февральста сась ингольдень Пермскяй губернянь Шадринск ошу, 139 пехотнай запаснай полку. Полкса А. А. Жданов вятсь партийнай работа и революционнай пропаганда солдаттнень ёткса.
1917 кизонь февральста сявомок октябрь ковти молемс сембе пингть Жданов ялгась во главе Шадринскяй большевистскяй организациять мархта вятсь тюрема соглашательхнень, эсерхнень, меньшевикнень и кадеттнень каршес революциять сяда тов развитиянц инкса, Советонь властть инкса. Жданов ялгась ульсь Шадринскяй Октябрьскяй переворотть руководителензон эзда фкясь. 1918—1922 кизотнень Жданов ялгась — Уралса и Тверьса военно-политическяй, партийнай и советскяй работаса. 1922 кизоста сявомок — Тверской Губисполкомть председателец. 1924—1934 кизотнень партиянь Нижегородскяй Губкомть секретарец, сяльде ВКП(б)-нь Горьковскяй крайкомть секретарец. Партиять XIV съездстонза сявомок (1925 к.) Жданов ялгась — ВКП(б)-нь ЦК-нь членонди кандидат, XVI съездста сявомок — ВКП(б)-нь ЦК-ть членоц. ВКП(б)-ть XVII съездтонза меле А. А. Жданов ялгась ВКП(б)-нь ЦК-ть секретарец. 1934 кизонь декабрть 15-це шистонза кочкаф ВКП(б)-нь Ленинградскяй обкомонь и горкомонь секретарькс, тяка пингть лядонды ВКП(б)-нь ЦК-нь секретарькс. 1935 кизоня СССР-нь ЦИК-ть постановлениянц коряс социалистическяй строительствать лангса руководствать эса выдающай успехнень инкса [ 14 ]казьф Ленинонь орденца. Ленинградскяй областень велень хозяйствать развитиясонза выдающай успехнень инкса 1939 кизоня Жданов ялгась казьф Трудовой Краснай Знамянь орденца.
1935 кизонь февральста сявомок Жданов ялгась ВКП(б)-нь ЦК-ть Политбюронцты членонди кандидат. 1939 кизоня, партиять XVIII съездтонза меле, кочкаф ВКП(б)-нь ЦК-ть Политбюронцты членкс.
1935 кизоня Коминтернать VII конгрессонза сон кочкаф Коммунистическяй Интернационалть Исполнительнай Комитетонцты членкс.
Жданов ялгась — ССР-нь Союзонь Верховнай Советть депутатоц Ленинградонь Володарскяй избирательнай округть эзда, Верховнай Советть Президиумонц членоц, Союзонь Советть Иностраннай тефнень коряс Комиссиянц председателец, РСФСР-нь Верховнай Советть председателец, СССР-нь Военно-Морской флотть Главнай военнай советонц членоц.