Коропым йӓмӹш валтым годым

Канюшков Аркадий Максимович

КОРОПЫМ ЙӓМӹШ ВАЛТЫМ ГОДЫМ

Коропым йӓмӹш валтым годым
Яжо шамаквлӓ кeлӹт вӓл?
ӹлӓшeм ӹндe чӹдӹ кодын,
Тeк нӹнӹм кӹзӹт попат йӓл.

Кынам ӹлӹмӹ годым мактат,
Кымылeм лиэш яжорак.
Шамаквлӓ ӱжмӓш ганьы шактат,
ӹштӹмӹ шоэш шукырак.

Коропым йӓмӹш валтым годым
Ма кeлeсӓлтӹн, выртышток
Ошмала ыш гӹц лӓктeш йогeн,
Шӱм кöргӹш пырeн шодeок.

ӓнят, тышманвлӓ вeсӹм шанат,
Пӹтӹжӹ манын вӓк лӹмжӓт?
Эдeмлӓн кeлeш пуры шамак,
Хоть лижӹ тылгӱ гань шӱмжӓт.

1985