Котырак султыса кырӟаломы,
Кизем юмы ву тулкым кадь мед удалтоз.
Кизем юмы ву тулкым кадь но мед удалтоз,
Асьмелы октыны-бичаны, ой, мед кылдоз.
Шундыё куазьёсын нуналъёс туж шулдыр,
Улыны каньыл яратон туганъёсын.
Улон каньыл яратон туганкайёсын,
Быдэсмыны каньыл анай-атай вӧзын.
Анайды но асьтэлэн, атайды но асьтэлэн,
Кызьы ке каньыл, озьы тӥ улэлэ.
Инмысь гинэ гудыри гудыртылӥз ке,
Вал йырысь но серметъёс, ой, жингыртоз.
Тӥ туганэн ми туган огинэ ке луиськом,
Зарниен азвесьёс жингыртыса, ой, уло.
Одӥгмес огмы кур ке, ӝож ке ӧм каре,
Уз лу меда весь валче но, ой, улэммы?
