§. ІІ.
Нача́ло се́рбскагѡ Ро́да.
edit
Ме́ждꙋ А҆́варскими ѡ҆свободи́вшимисѧ плате́жними Наро́дами бы́ли сѣвернѣ́йшїи Вене́дскїи и҆лѝ Сла́венскїи Наро́ды Хорва́ти и Се́рби. Ѿ кото́рыхъ ѻ҆́нїи бое́мскїѧ го́ри, сі́и же Ве́рхнюю Саѯонїю, и҆ Лꙋза́цїю, и҆ неглѝ и҆ нѣ́кꙋю ча́сть Силе́зїи ѡ҆би́тали. Ѻ҆боѝ посла́ли Заво́дныѧ По́сланники своѧ̀ къ гре́ческомꙋ І҆мпера́торꙋ (И҆ра́клїю) и҆ дозволе́нїе полꙋчи́ли поселе́нїѧ. Хорва́ти ѹ҆́бѡ возста́вили ѹ҆нгаро-сла́венское, и҆ далмато-хорва́тское Кра́левство къ за́падꙋ Цети́ни: Се́рби же нынѣ́шнее се́рбское ца́рство, равнѣ́же далмато-сла́венское владѣ́нїе, которое съ перва̀ и҆́хъ чети́ри малы́хъ шта́тѡвъ, а҆ пото́мъ и҆зъ двꙋ́хъ вѧ́щшихъ Монархі́и состоѧ́ло, и҆ ѿ А҆лми́зи до македо́нскїѧ рѣ́ки Ва́рдаръ и҆ Дꙋра́зо протѧза́лосѧ. Вѣ́рꙋемо є҆́сть, что̀ Се́рбы и҆лѝ Со́рби ѿ ѻ҆́ныхъ се́рбѡвъ происхо́дѧтъ, кото́рїи во вре́мѧ Р. Х. ѻ҆́коло Во́лги, а҆ по стꙋ̀ лѣ́тѣхъ поздѣ́е при а҆зо́фскомъ мо́рѣ въ тата́рской Кримі́и, въ дѣвѧ́томъ же и҆ десѧ́томъ вѣка́хъ къ за́падꙋ въ ны́нѣшней Се́рбїи ѡ҆бита́ли. Птоломе́й поставлѧ́етъ ѻ҆бита́лище и҆́хъ въ степа́хъ а҆страха́нскихъ, Пли́нїй при Е҆зе́рѣ меоти́ческомъ, а҆ Константи́нъ Порфѷрогени́тъ (ѡ҆ полови́нѣ десѧ́тагѡ вѣ́ка) не дале́кѡ ѿ Кі́ева въ славе́нской Землѝ Ро́ссѡмъ плате́жной. Не́сторъ росси́скїй и҆сто́рикъ ѹ҆твержда́етъ, что̀ ѻ҆́ни Се́веръ, и҆лѝ севе́рїю при нача́лѣ росси́скагѡ ца́рства въ шесто́мъ вѣ́кѣ населѧ́ли (ѿтꙋ́дꙋ неглѝ и҆ и҆́мѧ се́рбѡвъ полꙋчи́ли). Ѻ҆́ни и҆зъ ти́хъ чре́зъ По́лшꙋ, Силе́зїю, Лꙋза́цїю, и҆ ве́рхнюю Саѯо́нїю и҆зишлѝ въ за́падныѧ кра́и, гдѣ̀ є҆щѐ въ шесто́мъ столѣ́тствїи предки Їллѷрі́ческихъ се́рбѡвъ ѡ҆брѣта́ютсѧ.
Нѣме́цкаѧ Се́рбїѧ заключа́ла въ себѣ̀ фі́рштство А҆́нхалтъ, кꙋ́рфїрство саѯо́нское, мисни́ское, лейпцигское Владѣ́нїе, Херцо́гство а҆лтенбꙋргъ и҆ Вайма́рь по сїю̀ странꙋ̀ За́лы рѣкѝ, Наꙋмбꙋ́ргъ, Вейсенфе́лзъ, Ме́рцбꙋргъ, и҆ магдебꙋргскїй ѻ҆крꙋ́гъ, Лꙋза́цїю, и҆ нѣ́которыѧ ча́сти Бранденбꙋ́рга. Всѧ̀ сїѧ̀ во ѻ҆коли́чности свое́й соде́ржатъ въ себѣ̀ до по́лъ шестѝ со́тъ квадра́тныхъ ми́ль, и҆ потомꙋ̀ мно́го ме́нша была, не́жели ны́нѣшнѧѧ Се́рбїѧ, кото́раѧ 780, съ Бо́сною же 1380 квадра́тныхъ ми́ль сочинѧ́етъ. А҆ по ѡ҆писа́нїю Порфїроге́нита нѣме́цкаѧ Се́рбїѧ назива́ласѧ бѣ́лаѧ Се́рбїѧ, и҆лѝ вели́каѧ, и҆ зато̀ вѣ́рꙋемо є҆́сть, что̀ пре́дъ, и҆ во ѻ҆смо́мъ вѣ́цѣ Силе́зїю, и҆ нѣ́кꙋю ча́сть По́лши занима́ла, кото́раѧ до 700, а҆ съ помѧ́нꙋтою Се́рбїею (нѣме́цкою) 1300 квадра́тныхъ ми́ль и҆мѣ́ла. Потвержда́етсѧ мнѣ́нїе сїѐ па́ки и҆зъ Порфѷроге́нита (Гл. 33.) что̀ сербо-захлꙋ́мскїй наро́дъ и҆зъ странѝ, чре́зъ кото́рꙋю протека́етъ Би́сласъ, и҆лѝ Дици́ца въ Далма́цїю прише́лъ. Би́сласъ бо є҆́сть ны́нѣшнѧѧ Ви́сла, и҆лѝ Ви́стꙋла, нѣме́цки Ве́йѯелъ.
Є҆ті́монъ и҆́мене се́рбскагѡ ра́знѡ произво́дѧтъ и҆сто́рики, Порфѷрогени́тъ и҆зво́дитъ тоѐ ѿ Се́рвꙋсъ, ра́бъ, и҆ се́рбꙋла, тое́сть, ра́бскїѧ ѻ҆бꙋ́щи. Во франко́нскихъ ста́рыхъ писа́нїихъ называ́ютсѧ ѻ҆́ни Се́рбїи, Сбрѝ, Сви́рбли, Сора́би, Со́рби, Се́рбли, Се́рби. Бое́мцы Лаꙋ́зницевъ и҆ до ны́нѣ назива́ютъ Ср̾би, Ср̾бсти, а҆ Зе́млю и҆́хъ Ср̾бско. Найвѣроѧ́тнше произведе́нїе и҆́мене сегѡ̀ произво́дитсѧ ѿ ср̾пъ по Їѡрда́нꙋ Том. ІІ. И҆зъ чегѡ̀ догада́телнѡ є҆́сть, что̀ ча́сть та́ѧ Вене́дскихъ наро́дѡвъ была, кото́раѧ въ пе́рвыхъ на земледѣ́лїе и҆ ѻ҆ра́нїе и҆ жа́твꙋ прилѣжа́ла, ꙗ҆́кѡже и҆ про́чїи славѧ́ни ко ѻ҆рꙋ́жїю. Се́рби сі́и (въ нѣме́цкой се́рблїи) просте́рлисѧ въ ско́рѣ въ Силе́зїи и҆ Саѯо́нїи, и҆ претвори́ли лѣ́си ѿ Хермꙋндꙋ́рѡвъ, и҆ и҆́ныхъ Наро́дѡвъ заѡста́вшыѧ въ ни́ви, села̀ и҆ гра́ды.
Ѻ҆́ни повинова́лисѧ но́вомꙋ Верхо́вномꙋ Господи́нꙋ тоѧ̀ странѝ, тое́сть Кра́лю Фра́нкѡвъ. Но є҆гда̀ сосѣ́ди и҆̀хъ Хорва́ти ѿ Франкискагѡ Господства̀ ѡ҆свободи́лисѧ, и҆ ѡ҆со́бенномꙋ Кра́лю Са́мо подложи́лисѧ, то̀ и҆ Кнѧ́зь и҆́хъ Дерванъ въ Л. Х. 623. приста́лъ къ Кроа́тѡмъ, и҆ поднѧ́лъ ѻ҆рꙋ́жїе проти́вꙋ Фра́нкѡвъ. Ча́ѧтелнѡ и҆мѣ́лъ Дерва́нъ при се́мъ слꙋ́чаи Принцїпа́тъ сво́й въ по́лной незави́симости. Занѐ ѻ҆́коло шестна́десѧтъ лѣ́тъ двои́мъ При́нцамъ є҆гѡ̀ ѻ҆́бласти, кото́рїи неглѝ сыны̀ є҆гѡ̀ бы́ли по сме́рти є҆гѡ̀ ѡ҆ Принципа́тѣ препираю́щымсѧ Кроа́ти не ѹ҆чини́ли ме́ждꙋ и҆́ми со вла́стїю рѣше́нїѧ: но внꙋ́треннаѧ бра́нь та́ѧ ме́ждꙋ си́ми При́нцами продолжа́ласѧ поко́ль є҆ди́нь ѿ ни́хъ то́ль весма̀ неѡслабѣ́лъ, что̀ ѻ҆́нъ со свои́ми послѣ́дователи и҆зъ ѻ҆те́чества своегѡ̀ и҆збѣжа́ти принꙋжде́нъ ста́лъ.
При́нцъ се́й воспрїѧ́лъ ѹ҆бѣ́жище своѐ къ Грече́скомꙋ Їмпера́торꙋ фла́вїю И҆ра́клїю (ѡ҆́коло лѣ́та Г. 620.), кото́рый є҆мꙋ̀ є҆ди́нꙋ пꙋстꙋ́ю странꙋ̀ въ Ѳессалони́тской Ѳе́мѣ со є҆ди́нимъ гра́домъ (Ва́рошъ) дарова́лъ. Ѻ҆́нъ постанови́въ себѐ въ не́мъ наре́клъ гра́дъ то́й Се́рблїа (Серви́ще) и҆ ѹ҆крѣпи́лъ є҆гѡ̀ преполезнѣ́йшимъ ѻ҆́бразомъ. Но по нѣ́коемъ вре́мени но́вимъ си́мъ поселе́нїемъ насы́щсѧ ѡ҆мерзѣ́лъ, и҆ ѿпра́вилсѧ со всѣ́мъ наро́домъ свои́мъ наза́дъ въ свою̀ ѻ҆те́чественнꙋю странꙋ̀, є҆́же слꙋчи́лосѧ ѿ сожалѣ́нїѧ по ѻ҆те́чествѣ. Занѐ є҆гда̀ ѻ҆́нъ чре́зъ Дꙋ́най преше́лъ, и҆ ѻ҆брѣ́тенное запꙋстѣ́лое ѻ҆те́чество своѐ съ гре́ческими землѧ́ми ѡ҆ста́вленними сне́слъ (соравни́лъ) то́гда ѡ҆щꙋти́лъ, что̀ ѿлꙋче́нїе и҆зъ тѣ́хъ неразсꙋ́днѡ ѹ҆чине́но, и҆ раска́ѧлсѧ ѡ҆ ско́ромъ свое́мъ ѿваже́нїи. Зане́же ѻ҆́нъ гре́ческꙋю странꙋ̀ ѡ҆ста́вилъ бѣ̀, то̀ неѡсмѣ́лилсѧ па́ки въ гра́дъ сво́й возврати́тисѧ: тогѡ̀ ра́ди поше́лъ ѻ҆́нъ къ сосѣ́дномꙋ гре́ческомꙋ Страти́гꙋ белгра́дскомꙋ и҆ проси́лъ є҆гѡ̀ ѡ҆ хода́тайствѣ ѹ҆ І҆мпера́тора. І҆мпера́торъ ѹ҆́бо за лꙋ́чшее разсꙋди́лъ во ѿда́леннѣю ѿ К. по́лѧ странꙋ̀ посели́ти є҆гѡ̀. И҆ зато̀ недозволи́лъ є҆мꙋ̀ па́ки въ Се́рбїю є҆гѡ̀ (Серви́ще) возврати́тисѧ, но ѹ҆дѣли́лъ є҆мꙋ̀ Мѷссїю пе́рвꙋю, кото́раѧ не да́внѡ, тоє́сть въ Л. Х. 640 со всѣ́мъ ѡ҆пꙋсто́шенна бы́ла ѿ А҆́варѡвъ въ поселе́нїе. Мѷссїа пе́рваѧ, є҆́сть ны́нѣшнѧ Се́рбїѧ, а҆ вто́раѧ ни́же тоѧ̀ є҆́сть ны́нѣшнѧѧ Болга́рїа.
