Кутшӧм йӧз Роч Федератива Республикаын олӧны автономияӧн

by Аноним

Кор Роч муын коммунист партия да уджалысь йӧз 1917 воын мырддисны власьтсӧ озыр йӧз киысь да шуисны: уджалысь йӧз пӧ, ассьыд олӧмтӧ лӧсьӧд ачыд, сэк жӧ партия шуис став ыджыд Роч му пасьталаысь ичӧт аслыспӧлӧс сёрниа йӧзлы: вермад пӧ быд аслыспӧлӧс сёрниа йӧз ӧтувтчыны асьныд да восьтыны автономия, овны ас пытшкын ас ногӧн (ас кывйӧн, ас йӧзӧн, ас олӧм ног серти). Сӧмын пӧ став автономияяслы колӧ овны сӧгласӧн, мӧда-мӧдлы отсавны. Татшӧм сӧгласӧн ӧтува олӧм автономияяслӧн да рочьяслӧн шусьӧ Рочмуса Федерацияӧн. Тайӧ Федерацияын посни йӧзлӧн эм уна сикаса автономияяс: республикаяс, коммунаяс, обласьтъяс.

Ӧні видзӧдлам, кутшӧм йӧз олӧны кутшӧм автономияӧн, паськыд-ӧ налӧн муыс да уна-ӧ йӧзыс.

	Паськыд-ӧ муыс. Кв. верст.	Уна-ӧ йӧзыс.
Шӧрса рочьяс (39 губерня, Дон обл., 3 губ. Сев. Кавказа).	2.903.491	65.751.898
Украинечьяс (9 губ.)	392.645	26.001.802
Белоруссъяс.	52.398	1.634.223
Автономияа Обласьтъяс:
Удмурт (вотяк).	25.430	686.049
Коми (Перымса, Сибырса, Ятка коми йӧзтӧг).	240.884	186.878
Калмык.	86.943	126.256
Мари (Черемис).	13.548	300.069
Чуваш.	15.111	758.161
Коммунаяс
Карел	65.000	144.392
Волга дорса немеч	17.125	354.368
Автономияа Республикаяс
Башкир.	90.945	1.268.192
Татар.	58.415	2.852.185
Крым.	33.881	761.600
Горец.	39.189	808.480
Дагестан.	30.902	798.181
Киргиз.	1.898.198	5.058.553
Туркестан.	1.299.168	7.201.551
Ставыс	3.914.922	21.404.805

Тайӧ цифраяс дінас содтам нӧшта Сибыр (9 губерня) — 9.473.437 кв. верст, а йӧзыс — 9.257.825 морт, дай ловӧ став Р. С. Ф. С. Республикаыс 16.709.672 кв. верст пасьта и олӧны сэн 114.792.728 морт.