Кырӟаса лэзём али но,
Вераса лэзём али,
Та мӧзмем но сюлэмъёсмес
Буйгатса лэзём али.
Тӥ уд лыктэ ми доры но,
Ми ум лыктэ тӥ доры.
Ку адӟом на одӥг-огмес,
Али ке но ӧм адӟе.
Кикы ӧвӧл, уӵы ӧвӧл,
Ум быгатӥське кырӟаны.
Кыллы усто мурт ми ӧвӧл,
Ум быгатӥське вераны.
Шудӥм, шудӥм тӥ дорын но
Шудон сямен синмаським.
Шудон сямен синмаським но
Люкиськонтэм кадь луим.
Чиля, чиля азвесь зундэс,
Дугдоз меда чилямысь?
Мӧзме, мӧзме пинал сюлэм,
Дугдоз меда мӧзмемысь?
Милям гинэ кырӟанъёсмы
Ӵукнаозь но уз быре.
Пӧяськом ми, кырӟанъёсмы
Ваньмыз ини быремын.
