Кӧчӧ
Кӧчильӧй коз дорті чеччышталӧ,
Кокеньяссӧ воча вачкышталӧ.
Аттӧ, кутшӧм кӧдзыд, весиг овны оз позь.
Трачкӧдчӧны козъяс, гыӧр ӧшйӧма — лёзь.
Кокеньяс кынмӧмла куранасисны,
Кок улӧй йӧктӧмла гуранасис нин.
Вот эськӧ мем, кӧчлы, мужикавны,
Мем эськӧ, кӧчлы, тюни новлыны.
Овны эськӧ мем шоныд керкаын
Тшӧтш аслам рудіник кӧчиньӧйкӧд.
Понді эськӧ сэк ме сёйны пирӧгъяс —
Ставыс кӧчана да юмов сёркниа;
Кӧдзыд дырйи пӧлатьын куйлыштавны,
Кытчӧ ковмас вӧв доддьӧн ветлыштавны.
|
This work was published before January 1, 1929, and is in the public domain worldwide because the author died at least 100 years ago. |