Литва Советской Социалистической Республикаез Советской Социалистической Республикаослэн Союзазы пыртон сярысь

Литва Советской Социалистической Республикаез
Советской Социалистической Республикаослэн Союзазы пыртон сярысь
СССР-лэн 3-тӥ августэ 1940-тӥ арын катэз

кат

Литвалэн Сеймезлэн Полномочной Комиссиезлэсь заявленизэ кылскыса, Советской Социалистической Республикаослэн Союззылэн Верховной Советэз пуктэ:

1. Литвалэн Сеймезлэсь куриськонзэ тырмытоно но Литва Советской Социалистической Республикаез огкадь правоё Союзной Советской Социалистической Республикаен карыса, Советской Социалистической Республикаослэн Союзазы пыртоно.

2. Белорус ССР-лэн Верховной Советэзлэсь ӵектонзэ санэ басьтоно Белорус ССР-ысь Свенцяны ёросэз но Видзы, Годутишки, Островец, Вороново, Радунь ёросъёслэсь трос литва калык улон люкетъёссэс Союзной Литовской Советской Социалистической Республикалэн составаз пыртон сярысь.

3. Белорус Советской Социалистической Республикалэн Верховной Советэзлэсь но Союзной Литовской Советской Социалистической Республикалэн Верховной Советэзлэсь куроно Советской Социалистической Республикаослэн Союззылэн Верховной Советэзлы эскерыны понна проект сётыны Белорус Советской Социалистической Республика но Союзной Литовской Советской Социалистической Республика куспын шонер кунгож тупатонлы.

4. СССР-лэн Конституциезлэн (Инъет Катэзлэн) 34-тӥ но 35-тӥ статьяосызъя СССР-лэн Верховной Советаз Союзной Литовской Советской Социалистической Республикаысь депутатъёсты быръёнъёс ортчытоно.

5. СССР-лэн Верховной Советэзлэн Президиумезлы бырйиськонъёс ортчытыны нунал тупатыны косоно.

СССР-лэн Верховной Советэзлэн
Президиумезлэн Тӧроез
М. КАЛИНИН

СССР-лэн Верховной Советэзлэн
Президиумезлэн Секретарез
А. ГОРКИН