Лукать Святой Евангелияц/ВО/15

[ 86 ]

Глава 15-я.

Сизьгемень кафксувэце пакшъ. ¹ Іисусэньди сашенцьть сембя тацькянь прдайхня да крефуфня кулцэндэмэнза Сонь. ² Фарисейхня да книжникня пеняндасьть кортазь: Сонъ прьняндай крефуфнень да ярцай синь мартэстъ. ³ А Сонъ азызя теестъ вага тя ёфксьть: ⁴ кинь тинь эздэнэнтъ уленьдеряйхть сяда учанза, да фкять синь эздэстъ имафтэньдерясы, афъ кацынень ли сонъ вейхксагемень вейхксэтьнень шава вастцъ, да афъ моли-ли имафть мельгя, сонь мумэзэнза. ⁵ Мумда меля сявсы сонь кенярьдезь эсь лафту прязэнза. ⁶ Куду самда меля прдасыня сонъ кельгемя ялганзэнъ, да шабранзэнъ да мярьги теестъ: кенярьдеда монь мартэнъ, монъ муйня имафъ учазень. ⁷ Мярьганъ тееньть: менель-лангсэнъ-га фкя крефувэнь каиндамань инкса вейхксэгемень вейхксые праведникта сяда лама кенярьдемась [ 87 ]ули. ⁸ Али кодама ава, уленьдеряйхть сонь кемень драхманза да фкять синь эздэстъ имафтэньдерясы, афъ кэрьвясьти шта-толъ, да афъ кармай кудэнцъ теемя, да драхмать мувэмсъ цебярьста вешеньдемя. ⁹ Мумда меля тердьсыня сонъ ялганзэнъ да шамбранзэнъ да мярьги теестъ: кенярьдеда монь мартэнъ, монъ муйня имафъ драхмазень. ¹⁰ Мярьганъ тееньть: стама кенярьдема уленьди Шкайень ангелхнэньди фкя крефувэнь каендамань инкса.

Сизьгемень вейхксыеце пакшъ. ¹¹ Тага мярьгсь: фкя ломанень ульсьть кафта цёранза. ¹² Ёлмась мярьгсь алянцты: аляй, макскъ моньдине, мзяра теень сави паршить эзда. Аляцъ явэзя теестъ паршіенцъ. ¹³ Афъ лама шинь ётамда меля, ёлма цёрась кочказя сембя паршіенцъ, да тусь ичкези мастэрсъ; тоса кальдявста эрязь ётафтэзя сембя паршіенцъ. ¹⁴ Коста сонъ сембя паршіенцъ ётафтэзя, ся мастэрса ульсь вача киза; сонъ кармась пичедемя. ¹⁵ Эста мольсь да пець ся мастэрэнь фкя ломаненьди; ся кучезя сонь эсь паксязэнза тувэ ванэма. ¹⁶ Сонъ радэль пекэнцъ топафтемсъ тувэнь ярцама церяда, да нядэнъ-га ки-вэкъ ашэзь [ 88 ]максся теенза. ¹⁷ Эста сонъ сась эсь мелямэзэнза да мярьгсь: мзяра монь алязень сивэтьфэнза топодемсъ ярцайхть кшида, а монъ тяса вачэда куланъ. ¹⁸ Сэрканъ да молянъ эсь алязьти да мярьганъ теенза: аляй, монъ крефъ тіень менельть каршэсъ да тонь каршэзтъ-ка. ¹⁹ Тяни монъ эсь сиветьфнень ётксъ. ²⁰ Сэркась да тусь сонъ эсь алянцти. Мзярда сонъ нень-гя ичкезель, няезя сонь аляцъ да ужяльксъ теенза арась, ласьксь (каршезэнза), ашкэтць кэргазэнза да палсезя сонь. ²¹ Цёрась мярьгсь теенза: аляй, монъ крефъ тіень менельть каршэсъ да тонь каршэзтъ, — монъ тяни афъ пчканъ теть цёраксъ арамсъ. ²² Аляцъ мярьгсь эсь урензэнди: кандэда энь цебярь адёжатъ, да щасьть сонь, кядезэнза максэда сурксъ, а пильгезэнза кемэтъ. ²³ Вятеда аннефъ вазъ да печкесьть; карматама ярцама да кенярькшнемя. ²⁴ Веть тя монь цёразя кулэфэль да эриклась: имсесь да мувсь; да кармасть кенярькшнемя. ²⁵ Оцьу цёрацъ ся пинькть паксясэль, куду самста, кода сонъ пачкэць куцнэнъ маласъ да кулезя морамать да кенярькшнемать, ²⁶ терьць фкя уре да кизефтезя: мезе тя тяфтамсь? [ 89 ] ²⁷ Сонъ мярьгсь теенза: тонь братця сась, да аляця тонь, сонь шумбраста саманцъ инкса, печксь аннефъ вазъ. ²⁸ Сонъ кяжіясь да афэлексэль сува куду-га. Аляцъ сонь лись да терьць эсэнза. ²⁹ Сонъ мярьгсь алянцъ каршэсъ: вага монъ мзяра киза работань теть, да мзярдэнъ-га ашэнь лисеньдя тонь валстэтъ; а тонъ мзярдэнъ-га ашэть максся теень сява^[1] вярэске-вэкъ, штобэ теень симэмсъ-ярцамсъ ялганень марта. ³⁰ А мзярда сась тя, усксефъ ава марта тонь паршіень имафты цёраця, тонъ печкеть теенза аннефъ вазъ. ³¹ Аляцъ мярьгсь теенза: цёразя монь! тонъ проксъ монь мартэннатъ, сембя, мезезя ули монь — ся тонь. ³² А сянь кувалмэва эрявэль веселгаткшнемсъ да кенярькшнемсъ: штэ тонь тя братця кулэфэль — тяни эриклась; имсесь — тяни мувсь.

---

1. каза.